كونوا امناء في معركة البقاء

نقطة …… وفاصلة
يعقوب حاج أدم

كونوا امناء في معركة البقاء

– كمل الكلام ياأبطال والليلة يوم الرجال وماعندنا حاجه نقولا تاني واللي عندنا كله قلناه وردحنا لمن فترنا وجاء دوركم وانتوا عارفين احنا دايرين منكم شنو .. أكرر الليلة يوم الرجال وكفى،،

((ومضة))
– أسعدوا شعب الهلال وداوا جراحات الوطن بفوز يبهج النفس في معركة الثأر ورد الأعتبار،،

((نقشة))

– زميلنا القوس بابكر الهلالي المعطون بحب الهلال توقعها ثلاثية حارقة وانا وأعوذ بالله من كلمة أنا.. أنا الهلالي المتيم بحب الأزرق والأبيض فأتوقعها بهدف يتيم زي هدف جكسا في ليلة المولد هدف لايصد ولايرد وياربي تدينا اللي في مرادنا،،

((دبوس))
– الهزيمة أو التعادل أمام بترو اتلتيكو الانجولي في لقاء الليلة تعني خروج حزين وصفعة مدوية ونهاية لكل الطموحات ولو حدث ذلك لاسامح الله نبقى فعلاً ناس مجموعات ساكت بلا أدنى طموحات!!؟؟

((فاصلة …. أخيرة))

– أذا لم يكن من الموت بد فمن العار أن تموت جباناً؟؟؟؟
–