كملت المعدودة يا مولودية
*ايها الناس
*نريد المضي قدما في بطولة العرب
*نريدها حليلة لنا
*لذا لا نضيع مجهوداتنا في دوري تحكمة معطيات اخري
*وشلناهوا كتير
*نركز مع بطولة مهولة
*وجديدة علينا
*ولن تدخل السودان الا عبر بوابة المريخ
*عشان كده
*نأهل بكري
*نعالج المصابين
*ونلعب الممتاز بالجاهزين
*لو جينا رابع مجموعتنا
*بنصعد للنخبة
*ووقتها يكون الكبار جاهزين لقطف الثمار
*محليا وعربيا
*قرعة البطولة العربية الدولارية المليارية وقعت مولودية الجزائر في طريق جرافات الزعيم
*الدايم الله والعمر معدود والحياه محدوده والموت حق
*اعلنت قرعة بطولة العرب وفاة مولودية الجزائر
*كملت المعدودة يامولودية
*مصير المولودية لن يكون باي حال افضل من مصير اتحاد العاصمة ووفاق سطيف والعلمة
*المريخ تخصص جزائر
*ولينا المريخابية تشهد لينا
*الجزائر وطننا التاني
*لما نمشي الجزائر زي المشينا الحوش البهناك
*والجميل ان الذهاب بالجزائر
*والاياب بام در
*وللوقت داك العقرب بكون اكمل التأهيل شهران
*العقرب الذي هزم الاتحاد وسطيف والعلمه
*مابغلبو المولودية
*ايها الناس
*بتتذكروا الاديب الكبير الطيب محمد الطيب؟؟؟
*الزول الكان بقدم برنامج صور شعبية بالتلفزيون
*الزول الذي اوغل في محليتنا حتي صعد بها للعالمية
*المعلم الملهم
*الرجل القامة واستقامة
*الرجل الذي جعل من الشاشة مسرحا للفنون الشعبية
*وتعرفة بالعادات الاجتماعية
*ومتسعا حمل كل السودان
*المليون ميل مربع في ذلك الوقت
*اها
*الزول ده ليهو امتداد
*اللواء مأمون الطاهر
*ابن اخت البروف الطيب محمد الطيب
*الولد خال
*كل اهالي المقرن رائعون روعة المريخ
*زاروا المريخ بمقر اقامته بعطبرة
*وفد من اعيان المقرن
*رجال يسدوا عين الشمس
*ودعوة عشاء للبعثة كانت حاضرة
*كرم اهل عطبره والدامر
*ليس بغريب علي اهل المقرن الشرفاء
*التحية لهم فردا فردا
*التحية للواء مأمون الطاهر واهله الميامين
*الذين سهروا علي راحة بعثة المريخ
*وطوقوها كرما وسلاما
*وتحية خاصة مني للاخ المريخي الغيور ابن المقرن
*ايها الناس
*قبل هذا وذاك توفير الاجواء المناسبة فرض عين علي الجميع
*فلا يعقل ان يكون كل الوقت مهدرا في تصيد الاخطاء
*وفي ايجاد المبررات
*وفي تقليب دفاتر التاريخ بالتركيز علي سلبياته دون النظر للنصف الملئ من الكوب
*تصيد الاخطاء والعوده للتاريخ للنظر الي النصف الفارغ من الكوب
*كلام فارغ
*روقوا المنقة
*وختوا الكورة واطة
*بلاش معارك
*بلاش اعتراك
*فالمريخ يحتاجنا جميعا
*ايها الناس
*المريخ كبير
*يهوي لقاء الكبار
*يمتع في مواجهة الكبار
*وياحلاوة الكبار لما يكون خلفهم سبعة ملايين دولار
*حاج علي العطبراوي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الدعم الخارجي لابناباهوا ولا مابينا
*بس الخوف يتنقل بالدرداقة والتوتوك ويتحسب علينا
سلك كهربا ننساك كيف والكلب قال البلد دي مشكلتها ماعدم القروش… مشكلتها لحس القروش
والي لقاء
سلك
*المهم
*النيسانات التلاته جن ولا لسة متونسات
*حقو الاياب يلعبوهوا قبلوا هناك
*مدرب اللياقة ده مابوديهم لي قدام
*وكيس جمال سالم في المدرج
*والهوا شديد
*والكسكتة بره البلد
*وماظنيت الارباب يديها طريقة عودة قريب ده
*كيس جمال سالم حايطير بالواتس آب
*واتس آب بلص
*علامة مقروء مابديك ليها
*ولا آخر ظهور ليهو
*كسكته بلص برضك
*كان شفت ياوالينا
*الدعم الخارجي لابناباهوا ولا مابينا
*بس الخوف يتنقل بالدرداقة والتوتوك ويتحسب علينا
سلك كهربا
ننساك كيف والكلب قال البلد دي مشكلتها ماعدم القروش… مشكلتها لحس القروش
والي لقاء
سلك
