*ليونيل حامد التش
*احمد ليونيل التش
*احمد حامد ليونيل
*احمد حامد ميسي
*ميسي حامد التش
* احمد ميسي التش
*كلها مسميات لمسمي واحد اسمة الابداع الفطري والتفرد الفكري
*والمامصدق يراجع هدف ليونيل امس في شباك ريال الجبال
*اقصد هلال الجبال
*كورة زي الفيها دركسون
*تمشي قدام وبعد شوية تلف وتاني تلف
*ولما الحارس يطير وراها
*تاني تلف منو
*لذا قلتها واقولها مرارا
*التش صاحب المهارة العالية وخيال الشعراء يمكنه ان يمتع قارة باثرها
*فقط اذا وظف تلك المهارات المهولة لصالح الجماعة
*لانو اللولوة والاحتفاظ بالكرة هما اقوي الاسلحة التي تقتل الوقت وتزهق السرعة
*فكرة القدم تقوم علي الأخطاء الناتجة عن فروقات الزمن والسرعة
*حيث توفر تلك الفروقات مساحات كافية للاختراق وتولد خطأ التغطية فيتم اصابة الهدف بسهولة
*فيا ليونيل تشي ياولدي
*اهتمامك بنفسك وتمارينك يساعد علي اظهار كل مواهبك
*وتوظيف تلك المواهب وتسخيرها للجماعة
*يفيد الفريق ويضعك في اعلي مراتب النجومية
*وللتذكير ياروشا
*قون التش ميسي الامس ده ما اتعلموا بالتكرار
*عادي بجيبو
*حاول مع ناس التكرار ديل يجربوا
*يمكن كترت التكرار تعلم انصاف مواهب الهلال
*تصدق ياروشا
*قالوا العراقي طلع كردي ساي
*انا من شفت التفه قلت دي ماتفة زول من البصرة او بغداد او تكريت
*طلع عراقي صيني
*الله يستركم من الكرونا
*اها
*امس قالوا صدر الحكم الافريقي في مواجهة البدون
*مية الف دولار نصها اسي ونصها يجمد
*وفي حال عدم الدفع القصة تانية
*وبما انها التجربة رقم تسعين للزناطير
*فقد استفاد الهلال من تخطيه للسبعين زي البشير وما سجنوهوا
*لكنه كالبشير ودوهوا الاصلاحية لاربعة مباريات بعيدا عن الناس بالذات الشماسة
*اذا بقي حسن السير والسلوك سقطت الخمسين التانية
*واذا واصل في حركات قلع السياج وشيلو والجري بيهو
*ياهو المحمدو السجن
*المرة دي مابتنفع قصة فوق السبعين لانو العقوبة بتكون حدية
*ده حالتو ناس الاهلي اتوسطوا للهلال عند الكاف
*والنبي ياكهربا
*المهم
*اثناء مباراتنا امس كنت اتابع القروبات وتعليقاتها
*نفس القصة
*انتقاد لمقدرات ابو عنجة التدريبية القصد منها انتقاد المجلس من اي زاوية
*ثم نصر مريخي ينسبه اليعقوباب لمهارة اللاعبين تبخيسا لابي عنجة وطعنا في المجلس
*وفات عليهم بزوغ النجوم الجدد في مشهد اروع من رائع واشراق بوادر نجاحهم
*لك الله ثم المريخاب يامريخ
*وشكرا ابوعنجة الشجاع السادي دي بي طينة ودي بي عجينة
*شكرا الاولاد قدامي وجدد
*شكرا مجلس الادارة
*شكرا البص الودانا بسبب قفل مطار كادوقلي لابسبب شح المال كما اشاع اليعقوباب
*المهم
*الناس مدورة من امس في التطبيع بين مؤيد ومعارض
*لكن البعرفو انا احل لينا طعامهم واحل ليهم طعامنا وادونا فرصة نناسبهم ونعرس بناتهم
*ورسولنا الكريم عليه افضل الصلاة والتسليم كان راهن درعو عند يهودي
*دليل علي التعامل
*افتيتكم ولا تفتونا؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ان حول التطبيع اختلفنا ماتخلينا
*لمنا وجيب مصحفك افتح سورة المائدة آية خمسة واقرأ لينا
سلك كهربا
ننساك كيف والكلب قال تاني الكرتة خنزير سااااي ياعمك
والي لقاء
سلك
