صحيفة كورة سودانية الإلكترونية

نقطة أخير عدمها

1٬468

في السلك

بابكر سلك
نقطة أخير عدمها

*انتهت مباراة أمس بالتعادل السلبي تلاتة أصفار
*صفر مازيمبي وصفر الهلال وصفر الثابت دوماً وأبداً
*تلاتة أصفار
*وخرج أبو الهل بنقطة أخير عدمها
*وقد تكون الأولى والأخيرة له هذه السنة
*نقطة الهلال أمس أخير عدمها بتاعنا أول أمس
*نقطة لا تغني ولا تخرج من صفر
*وكلمناكم
*قلنا ليكم طريقة إدارة الرياضة عندنا ما بتأكلنا عيش
*هذا الوسط الرياضي يجب أن يتطور ويغير مفاهيمو
*إعادة أهل الرياضة الهربوا منها إليها هي أولى الخطوات
*لا تسبقها خطوة إلا تفكيك الوسط الرياضي
*نعم
*أول حته دايره تفكيك هي الوسط الرياضي
*لما اعترته من عيوب اعتلاء مناصب القيادة فيه والتخطيط وجوه لا علاقة لها بالرياضة من أساسو
*سياسات علوق الشدة ما بتنفع
*زي قصة الوجيه فلان يدعم ويوفر ويسجل ويعد
*بناء فرق البطولات يختلف عن بناء فريق لبطولة واحدة
*وبناء دولة للبطولات يستوجب الاستعانة بقيادات رياضية مؤهلة من أهل الرياضة تعمل بتجرد بعيداً عن قبلية الألوان
*تدرس وتخطط وتنفذ وتنسق وتراقب فتحصد
*غير كده فلننتظر كل عام راعٍ جديد لنفس الرعية
*ولنتحمل كل عام فضيحة جديدة كروية
*ولنقبل كل عام الغياب عن نهائيات المنافسات الأولمبية
*ولا يزال النادي يبحث عن راع ويتحرى الرعاة حتى يُكتب وسط الأندية من الرعية
*مجرد رعية
*أيها الناس
*مازيمبي بتاع أمس ده كان خلوهو براهو في الميدان بطلع مغلوب
*فريق لم يتبق منه سوى الاسم وكاتومبي وأناقة الأزياء
*وبعد ده عوّض تعادله على أرضه في الحمام
*لأنو لقى حمام، الملك فاروق ما لقاهو
*أيها الناس
*يا نشتغل بجد زي باقي الدول
*يا نستمر في دافورينا وغياب السلة عن حوارينا وموت السباحة بين ظهرانينا وفقدان الطايره الاتنست لينا ويا حليل التنس وأولاد طلعت فريد يا حليلنا..
*المهم
*كيف يذهب سوداكال ومجلسه
*سؤال حيّر أهل المريخ
*ولما غِلبوا حيلة
*سألوا عمك قوقل
*قال ليهم وأنا شن عرفني؟؟؟
*مشوا وداعية
*ختوا بياضهم وقعدوا
*كشكشت ورمت
*عاينت مسافة
*وخمت الودع وتاني رمت
*هبشت ودعة
*وخلتها
*هبشت التانية
*قالت يا ربي!
*خمت الودع تاني ورمت
*قالوا ليها ياحاجة إنتي مالك بقيتي زي سوداكال؟
*قالت ليهم كيف يعني؟
*قالوا ليها ترمي وتترجمي وما بتكلمينا
*براك الفاهمه ونحن قاعدين ساي
*قالت ليهم ما كدي
*لكن في شي أبيتوهو مملح أسي كايسنو ناشف
*ده السبب المقعد الزول المحيركم ده
*قام واحد منهم قال ده خلي بالكم إجازة نظام أكتوبر ٢٠١٩
*في الوكت داك لو ما أبيناهو مملح ما كان كايسنو أسي ناشف عند ست الوداع..
*أيها الناس
*العزاء الوحيد
*كلنا في الهوا سوا
*الحمام كلو طاير
*بس الخوف الحمامة الحمراء تحطم الرقم القياسي الخارجي بتاع السبعة ديك
*ما بعيد أي شئ زاد
*المهم
*في خبر عن الجنيه العام
*ولا لسه ما عبر؟؟؟؟
*سيعبر
*اصبروا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*كل الأمة على القيف بتقيف منتظره الجنيه العام
*بغرق ولا بجي حازمها؟؟

سلك كهربا

ننساك كيف والكلب قال قلتوا الجنيه عوام ونسيتوا إنو البحر بشيل عوامو
وإلى لقاء

قد يعجبك أيضا
4 تعليقات
  1. علي الطاهر يقول

    الوسط الرياضي ان يتعافي الا بخروج امثالك من المتصوحفين الذين صار عددهم اكثر من جمهور المشجعين

  2. علي الطاهر يقول

    لن

  3. علي الطاهر يقول

    عدم النقطة الاخير عدمها والتي اتت بفضيحة تسجل للتاريخ وسيذكرها الركبان
    فضحتونا كيف لفريق مثل المريخ الصعود لهذه المرحلة كان الطيران من التمهيدي ارحم و اهو سترة بدل الفضايح

  4. ود خليل يقول

    هههههههه ….
    النار تأكل بعضها …
    لا دخل فينا ٧ اهداف في مبارتين ..
    و لا اتغلبنا اربعة في ميدانا ..
    و لا رصيدنا صفر نقطة ..
    و لا مجموعتنا فيها حصالة مجموعات ..
    و لا شتمنا لاعبين و لا لومنا اتحاد شداد
    و لا رضا عبد العال شتمنا
    و لا اتكهربنا
    و لا اتأفشنا
    و لا بولنا …
    روووووووح ..
    الخشت فيكم ما بتمرق تاني ..

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد