نقطة نظام
في السلك
بابكر سلك
نقطة نظام
*تعادل بطعم النصر
*كنا نخاف من صفر النقاط
*سبحان الله بقينا نخاف
*ولكن خوفنا يرجع لمنطق الأشياء
*حرب ضروس في أي مكان يخص المريخ
*حتى الاختلافات والخلافات البسيطة تزعجنا
*لأنو جراداي في سروال ولا بعضي لكن قعادو شين
*عشان قعادو الشين ده بقينا نخاف
*جراداي كان فرفر نقعد نتململ
*المهم
*قد تحكم الأغلبية بأن المريخ بالأمس كان جيداً
*هذا الحكم ليس قياساً على ما قدمه المريخ
*ولكنه قياساً على ما كان متوقعاً من تقوقع وسوء
*فالمريخ لم يكن جيداً إطلاقاً وهو يعاني من داء ضياع الفرص التي أتاحتها الصدف والظروف له
*كيف يكون جيداً ونسبة استحواذه ستة وتلتين في المية؟؟؟؟
*خذل المريخ أمس توقعات قاعدته
*مثلما خذلها يوم فيتا كلوب
*مع اختلاف توقعات القاعدة في المباراتين
*أمس طريقة لعب نهي
*مهارة بالكل كهية مافي
*ياخ شوف رمضان الخمسة وعشرين مليار نفذ الضربات الثابته على رأس طمنطاشر كيف
*وشوف ضربة سيمبا الواحدة اتنفذت كيف
*أيها الناس
*سيمبا بس ما قصد يجيب قون
*قد يكون خايف من الإسم الفخيم
*لكن الحقيقة تؤكد صعود الأهلي وسيمبا لمرحلة قادمة
*أما المجموعة الأخرى
*مجموعة الموت
*فيها تلاتة فرق ميتين
*ياخ صن داونز عندو تسع نقاط
*ومجموع نقاط مازيمبي (الكان زمان) والهلال (صفر أم درمان) وشباب بلوزداد (أنس بس يا مان)
*ست نقاط
*يعني نقاط صن داونز أكتر من نقاط فرق المجموعة الباقية مجتمعة
*قدرها مرة ونص
*لذا سيصعد من هذه المجموعة صن وداونز
*باقي المجموعة كلاب ليدو ساي
*أيها الناس
*لو ما اشتغلنا الكورة زي ما قال كتاب الكورة
*سنظل كلاب ليدو مهما تقدمت تعود لبيتها لتبدأ من جديد
*من جديد من بعيد
*ونقلت الأنباء استغناء مجلس المريخ عن الجهاز الفني
*عادي
*أصلو شيل الجهاز الفني عند مجلس المريخ بقى زي شيل الدقن
*مرتين في الأسبوع
*بس نحمد الله إنو الشيل بالموس
*مكسب برضك
*المهم
*أتمنى أن تكون نقطة أمس نقطة نظام
*تعيد صياغة الأمر من جديد في منهجية وإخلاص باستراتيجية هدفها صالح الكيان
*قال خمسة وعشرين مليار قال..
*أيها الناس
*اتحاد الجماهير يشكل عملاً ديمقراطياً
*سواء فشل أو نجح في مسعاه
*وده في حد ذاتو نجاح لديمقراطية كان يرفضها كثير من قادة هذا الاتحاد
*والغريبة ناس كتار في هذا الاتحاد وقفوا ضد المجلس الذي أعلنته لجنة الإنتخابات
*بسبب وجود الكندو وعلي أسد وهيثم الرشيد وخالد المصطفى
*واليوم هم يتحالفون مع نفس الرباعي ويعترفون به كجزء أصيل من مجلس الإدارة
*المهم
*ما يقوم به الاتحاد قد يكون عند آدم جراداي في سروال
*وقد يكون ما يقوم به آدم نفسو بالنسبة لناس الاتحاد جراداي في سروال
*وفي السروالين جراداي ما بعضي لكن قعادو شين
*وقعاد جراداي داخل السروالين قد يعدنا بمشاهدة ململة جماعية
*أيها الناس
*إن تنصروا الله ينصركم
*أها
*نجي لي شمارات والي الخرتوم
*أها يا والينا
*جنيهنا عبر لينا
*ولا لسه عايم يا والينا؟؟؟؟
*ننساك كيف والكلب قال مع أول عومة للجنيه تماسيح كبار تماسيح زمان نزلوا البحر….سجمنا
وإلى لقاء.
هههههههههه العنوان الصحيح يا شباب هو “نقطة سلك ونقطة عشة الجبل” بعدما عرف انو المريخ طار وفقد الامل وحصل على نقطة ومن من من سيمبا التنزاني حاول التقليل من الهلال ومازيمبي وشباب بلوزداد. المنطق يقول ان المريخ يمر بأزمة حقيقية وان اعلامه السالب والكارثي هو احد الاسباب الرئيسية وراء النتائج المخيبة التي حققها. طبعا سلك وصف الهلال مع مازيمبي وشباب بلوزداد بكلاب الليدو ونحن لن نصف المريخ بأى شىء غير فريق يتهاوى كل يوم بفعل اعلامه السالب وبسبب الصراعات التي تدور بين المريخاب. راحت عليكم يا سلك اعترف بالحقيقة وشوف مشكلة فريقك وين وانسى الهلال لو تقدر.