صحيفة كورة سودانية الإلكترونية

  وما علي اذا لم تفهم البقر

398
       حدق العيون

خالد سليمان

  وما علي اذا لم تفهم البقر
• اعترف ( ادم عبدالله سوداكال ) بانه اقل قامة من المريخ …. والصحيح انه اقل قامة من ( مريخ الواق واق )
• ان تاتى متاخرا افضل من ان لا تاتى مطلقا … جاء ( ادم ) بعد ان أورد ( المريخ ) موارد الهلاك … بعد ان اشرف
المريخ على  الفناء والعدم تذكر  الرجل ( قامته القصيرة ) …. ليبقى السؤال الحائر وهو لم أتى أصلا  ؟؟؟؟؟  هل كان يظن هو ان رئاسته  لناد بحجم المريخ  لا يحتاج منه الا لبضع صور يلتقطونها له من مكتبه ؟؟؟ ام هى فى تلك القرارات
والإقالات التى لا يتم تنفيذها
ويكون اول من يزدريها هم أعضاء مجلسه … هل تصور ( ادم ) انه بصورته ( الباهتة  ) تلك قادر على قيادة ناد يشجعه الملايين ؟؟
                                                        وماذابعد ان تصالح الرجل مع ذاته واعترف بقصر القامة …..ماذا يفيد إقراره بعد ان تلاشي المريخ أو كاد؟؟
                                                                                          لازال ذلك  الكاتب ( المريخى ) يدعى احتكار  ( الحكمة ) و( المعرفة )
• عندما يكتب اكثر  الناس حقدا وكراهية فى المريخ ( غزلا ) فى سوداكال
فاعلم يقينا ان السبب ليس حبا فى الرجل بقدر ما هى كراهية فى المريخ
                                                      اموت ضحكا كلما اتذكر تلك الدموع التى التى زرفها ( ساسا ) عند انتهاء فترة تعاقده مع الهلال فالهبت خيال
أكثرهم ( وهما ) فزعم انها دموع (حب  ووفاء ) … ويمتد  الحب والوفاء  وولدنا ( أبوراس ) يركب الطيارة ويجى  شايل
(بطيختين ) وفى زمن ( الكرونا ) ودا برضو حب للجماعة … والله يا سادومبا
انت ( حبيب ) بشكل ( بكسر الحرف الاول )…
• العارفو انا ( ساسا ) بحب حاجتين بس
( امو ) و ( الأخضر الليمونى ) وغيرهما لم يعرف للرجل اى حب … ويا ( لصدق الدموع ) … لؤلؤ بس … درر عديل يا أبوراس … والطير بجيبو ( العيش ) اقصد ( الدولار ) .. حب أية اللجاي تقول عليه ؟؟؟؟؟
• استمتعت بقصة ( المصوراتى ) الجلدو  فى الحفلة بس ما كان فى لازمة للقصة دى كلها ولا للف والدوران … يعنى لو عملنا للقصة كلها ( سامرى )
ممكن نختصرها ( القصة ) يعنى فى كلمتين …سنجابي طلع بنغالى
• واحدة من ( البطيختين ) طلعت ( لاقة ) فضلت ( الماسورة ) التانية ويا ما نشوف ….
• روفا دق ( الدلجة ) بس ( برشاوى ) سلامتو …..احلف بابوى دى عين ( جرقاس )
• عزيزى ( جرقاس ) لم تخيب ظنى … وكنت اعرف ( تواضع ) قدراتك ( لغويا )
سأشرح لك … وعساك ( تفهم )
• يقال للشخص ( زللت ) بالفتح .. وتدل
( زليلا ) اذا زل فى طين أو فى ( منطق )
• ويقال أيضا ( زلت الدراهم ) اى نقص وزنها وقلت قيمتها .. وانا قصدت قيمة
ووزن المريخ  وقتها … وقع ليك ؟؟؟؟؟
• جرقاس كتبت انا وما على اذا لم تفهم البقر ….
قد يعجبك أيضا
6 تعليقات
  1. كمال الدين ميرغني بلاص يقول

    يمينا بالله انت اكبر … تمشي ع وجه الارض استغفر الله العظيم شكلك يوحي بانك احقد انسان

  2. كرفاس يقول

    كمال أخوى

    المشكلة ما فيهو هو المشكلة فى إدارة الصحيفة بتعتبر زول زى دى صحفى رياضى عشان يجى يكتب زى الغثاء ده ..
    ويجيك واحد ناطى ويدافع عن الصحافة الرياضية…
    أعوذ بالله ..

  3. Hajjam يقول

    جهل واستكتبار كمان والعياذ بالله. فعلا الغلط من المسئولين عن الموقع الذي تكتب فيه. رحم الله الصحافة الرياضية وهانت الزلابيا حتي اكلتها بني قريظة. والله انت لاتستاهل ان يرد عليك احد لانك تنعق بما لاتسمع. الشتائم والاسماء التي تريد بها انقاص قدر من ينتقدونك تدل علي افلاسك وسقوطك ياسبويه هذا الزمان الاغبر.

  4. Hajjam يقول

    الظاهر عليك انك باحث عن الشهرة بهذا الغثاء الذي تجتهد في كتابته ياسبويه. كتاباتك تفوح منها روائح الحقد والحسد والعياذ بالله.

  5. ابو عمار يقول

    يا استاذ خالد ارجع لمقالك قبل اسبوع تقريبا كنت تتكلم عن جيسي بانه بعيد عن متناول سيدك وسيد البلد وهو اقرب للترجي والاهلي القاهري وعمالقه افريقيا ولما احسست بقرب توقيعه لسيد البلد حالتك بقت صعبه وبقيت تهضرب معزور يا جماعه دي فوبيا جيسي جاكسون ههههههه ولاكيف يا سيبويه

  6. ابو حسام يقول

    ههههههاي بني بمبان مالكم الأستاذ خالد ما قال شي غلط كلها الحقيقة وباكر ياما تظهر عيانا..لا تتكلمون عن الحقد والباحثين عن الشهرة… قطيع الحاقدين الذي ينهش في لحم مريخ السودان من متصوحفي بني بمبان كغثاء السيل وطبعا انتم لا ترونه لأنكم أشد حقدا على المريخ وهههه هههههههاي ينصبوا ليكم شداد آخر يفصل بتشديد الحرف الثالث من الكلمة ليكم كل شي على مزاجكم حتى الصحافة يختار ليكم أمثال صاحب العبارات المكررة طبال وصفاق الى آخر الغثاء وكمان تمييييع بدون خجل متصدرين و٧ مباريات خارج الخرطوم لم يلعبها المدعوم …حقيقة اذا لم تستحي افعل ما تشاء … هذا الصحفي كتب عن شان مريخي لا علاقة لكم به وعرضا ادخل مناكفة ظريفة جدا عن سادومبا كما ردد عادل امام: والمامور جاء وانا قلت برضك احسن ما اعيط دا الراحل جاي وجايب معاهو بطيخة لا وكمان ساسا جايب معاهو بطيختين ههههه مش صيفي يعني آه… لماذا لا تعلقون على عمود الشوربجي ويعقوب حاج آدم والسيدة وعمر الطيب والمعتصم بكراهية زعيم أندية السودان وعملاق أفريقيا اب زرد الشال نوم الناس حالتو ٤ سنة بدون رئيس والقوة الضارية حتى كأس صفيح راعي التمييبع ما جابتو ليكم بعني المريخ لو فاز بدوري التميييع الفاشل يكون المدعوم رغم القوة الضاربة ٣ سنة ما شاف حتى كأس الحديد حق شداد خلوها الأميرة وقعتها سوداء دي حلم صعب المنال على أحاديث جلسات الونسة ودفن الليل ابو تميييع. الرياضة روح مناكفة وسعة صدر ليست بهذا الانفعال والحكم القسري..ههه رشاشات أحبكم وانتم لا زلتم في جرح صاروخي الغربال النهزت القط الكاميروني وخلتو معلق في الزاوية اليمنى لليوم عندو وجع صفاق ههه وشبال عجب الكسر رقبة البياع بتاع النقعة الطار في زاوية وكورة منتصر في زاوية أخرى واتاريهو اتصور من زمن مع حبيبنا كردنة افضل زعيم في تاريخ الهلال….وكمان لجان تنين الأمنيات الأزرق قالت شكوى المريخ فاصلو لغاية فاس كأس وقع في الرأس…ههههه دمتم الهلال خرج من ضلع المريخ وهو اصلا كان تيم المريخ ب وانفصل وسموهو الهلال بعد ١٩ سنة من نشأة المريخ الأولى عام ١٩٠٨م هههه لي في المسالمة غربال نسافر بغني عليهو …دمتم نحن إخوة والكورة رياضة فقط والدنيا فانية …حبيبي الدنيا يوم بتروح لا بدوم لا فرح لا نوح …نحن اليوم ورود بتفوح غدا نصبح حطام تذرونا الرياح في الدوح…خلاص ما تنسى وانا انساك ..والله العظيم بحبكم اصلا لا مريخ بدون هلال والعكس ..ما احلاها من لحظات ليالي العيد ومناكفات الطريف يوم يفوز أحدهما على الآخر.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد