يا أبو عشرين زمان كان البرتقال (تحلية) وهسه بقى علاج !!
بالعربي الكسيح
محمد الطيب الأمين
يا أبو عشرين زمان كان البرتقال (تحلية) وهسه بقى علاج !!
* عندما كانت الظروف الإقتصادية (راضية) ، والنفوس (مرضية) ، والحياة (وردية) ، كانت (التحلية) ثقافة وعادة سودانية .
* لا تخلو (وجبة) من التحلية.
* ومرات تكلفة التحلية بتكون أغلى من تكلفة الوجبة نفسها .
* تكلفة ملاح (أم رقيقة) أقل من تكلفة (الكنافة) .
* كاستر ورز وبطيخ وبلح الشام ومديدة بلح وشعيرية ومُربى وطحنية وباسطة وبرتقال .
* زمان كان البرتقال تحلية وهسه بقى علاج .
* لما كنا (بِنحلي بالبرتقال ما كنا عارفين إنو فيهو فايتمين سِي) .
* شبعنا (سِي) دون أن نعرف (سِي) هي علاج .
* وبما أن كورونا تحتاج لمناعة .
* وبما أن المناعة في فايتمين سِي .
* وبما أن فايتمين سِي غالي .
* فإن إنتصار الهلال هو كل (الفايتمينات) .
* نصر الهلال (مناعة) .
* الحزن والخوف بيضعف المناعة هكذا أثبت الأطباء .
* ونصر الهلال يعني فرح وطمأنينة وهذه من (مقويات المناعة) .
* ولهذا كله نقول اليوم الهلال هو (التحلية) .
* تأهل المريخ (أم رقيقة) واليوم بإذن الله يتأهل الهلال (الكنافة) .
* وما بين هذا وذاك كان (الكبير العطبراوي) حاضراً .
* حقق الأمل عطبرة الفوز (رايح وجاي) وهو يستحق ذلك .
* الأمل عطبرة ورغم ضعف الإعداد ابهر الناس وانتزع بطاقة التأهل عن جدارة واستحقاق.
* عطبرة تستاهل الفرح والفرح بيشبه عطبرة .
* وسنعود لما حققه الأمل لاحقاً إن شاء الله.
* سنعود للحديث عن الأمل عطبرة لأن إعلام الهلال هو إعلام الأمل.
* الحالة واحدة .
* أقلامنا ليكم يا حبايب .
* المهم .
* الهلال عشان يكون (تحلية) لابد أن يتعامل مع مباراة اليوم بحذر .
* حققنا الفوز ذهاباً وهذا هو الأصعب ولكن من الجنون أن تظن أن الأزرق قد تأهل.
* تناسي نتيجة الذهاب واحترام الخصم سيكون مفتاح الفوز عليه .
* التواضع في حضرة الكرة والجدية في التعامل مع اللقاء مهم جداً .
* نحترم تطلعات وطموحات فايبرز فهو سيلعب من أجل أن يكسب .
* ما في فريق في الدنيا دي ب(يتلتل) ويجي من بلدو عشان يخسر .
* جاي يفوز ويتأهل.
* وهذا أمر يفهمه الجهاز الفني ويفهمه نجوم الهلال دون شك .
* نعزز فوز كمبالا ونزيد عدد الأهداف ونحسم التأهل مبكراً .
* والله كنت بتمنى الهلال يواجه فريق بضعف مستوى الفريق الذي واجهه المريخ .
* كنت بتمنى كده عشان وليد الشعلة وفيني والضي ينفردوا بصدارة الهدافين من مرحلة التمهيدي .
* لكن معليش (الحلق بمشي للما عندو اضأن) .
* أي تشكيلة تلعب اليوم هي جديرة بالمهمة.
* وغالباً لن يكون هنالك تغيير كبير في التشكيل .
* ربما يظهر جيسي أساسياً .
* جيسي يستطيع أن يحدث الفارق وكذلك روفا.
* نترك هذه الخيارات للجهاز الفني ونأمل أن يكون الهلال في الموعد .
* العندو أبو عشرين ما بخاف .
* بمناسبة أبو عشرين .. (كلب الليدو) السنة دي ما كتلو جمب بيتو يا بابكر سلك .
* طبعاً (كلب الليدو) هو لقب المريخ الجديد وقد أوحى به الأستاذ بابكر سلك .
* كلب الليدو لما يمشى نيجيريا بيعرف حاجة .
* في نيجيريا هناك لو قعدتو تعملوا حركات (السقوط على الأرض) على بالنعمة انيمبا يعمل فيكم عملية ما سبقه عليها إلا الوحدات الأردني.
* وما أظن في تمهيدابي بينسى الوحدات الأردني.
* ولا نسيتوا؟
* عموماً .. نحن في إنتظار الحلو .
* في إنتظار التحلية .
* نسأل الله أن ينصر الهلال لأن نصره هو مناعة وفايتمين سِي .
* (فايتمين سِي الغلابة) هو الهلال .
* ونركب صافنات ونجيبة (هلالابية) واصلو الزول بيموت والذكرى تفضل حية.
* و..و..
* وأنت افراحي البعيشا وغيرا مكتوب لي أشقى.
سبحان الله انت ممكن يكون آخر حاجة تنطق بها في الدنيا تبخيس المريخ واصلا انت تارك كل شي ومتفرغ للغثاء الذي تنشره كل يوم . ياخي دا رعب غير حياتك كلها ولا يمكن المناكفات تكون لدرجة الهذيان واعمل حساب من الشعار الذي يضع اسم الجلاله مع الوطن والهلال ودي محتاجة فتوى من ذوي الاختصاص لأن الله سبحانه وتعالى اول ليس قبله شي وآخر ليس بعده شي وتوبوا الى الله
قال (اتمنى الهلال يواجه فريق ضعيف كنت بتمنى كده عشان وليد الشعلة وفيني والضي ينفردوا بصدارة الهدافين من مرحلة التمهيدي ) قصدك يعني ذي ناس الوداد لما مهاجمهم مصطفى بيضوضان سجل 5 أهداف في الهلال في مباراة واحدة وبقى هداف أفريقيا ههه ولا ذي ناس الترجي الهزمو الهلال 18/ صفر في ثلاثة مباريات مقسمة على نص دستة أهداف في كل مباراة لما واحد من صحفييكم قال خليت المياراة صفر صفر قمت أشرب رجعته لقيت الهلال مغلوب 6/ صفر ضعف ذي ده يعني ولا ذي الفريقين حقين الصومال الطيرو الهلال قبل التمهيدي ولو انت نسبت نحنا ما نسينا وقد الصومالي والمطابع الصومالي الغلبوكم وطيروكم من البطولة الافريقية وبرضو هههه
وقال (وهذا أمر يفهمه الجهاز الفني ويفهمه نجوم الهلال دون شك) .نجوم الهلال هههه ياهم النحنا بنعرفهم ولا ناس تانين قال نجوم قال
يا أبو عشرين زمان كان البرتقال (تحلية) وهسه بقى علاج !! هزلت بالله عليكم ده عنوان مقاااال يا عالم أرحمونا
حرقت الدلاقين ياود الطيب. حقدهم علي الهلال خلاهم يجمعوا تلاتة مباريات لاجمالي الاهداف ونسوا سباعية الوحدات وتسعة سان جورج وخماسية ولدنا ابو الهل السعودي. شر البلية مايضحك. غايتو الله يعينك مع ابو المستعار المزدوج مرة ثنائي ومرة ثلاثي ومرة رباعي وتلقاه شغال في صفحة واحدة باربعة اسماء.