ﺑﻴﻦ ﺳﻴﺴﺘﻢ ﻣﺎﺯﻥ ﻭﺷﻮﺍﺭﻉ ﺍﺧﻮﻧﺎ ﺍﻟﻜﺮﻭﺍﺗﻰ … ﺍﻟﻠﻪ ﻳﺼﺒﺮﻧﺎ ﻋﻠﻲ ﺍﻟﺰﻭﻝ ﺩﻩمقالات كورة في نوفمبر 16, 2018 77 مشاركة المقال ﻣﻘﺎﻋﺪ ﺍﻟﻤﺘﻔﺮﺟﻴﻦ امير عبد الماجد ﺑﻴﻦ ﺳﻴﺴﺘﻢ ﻣﺎﺯﻥ ﻭﺷﻮﺍﺭﻉ ﺍﺧﻮﻧﺎ ﺍﻟﻜﺮﻭﺍﺗﻰ … ﺍﻟﻠﻪ ﻳﺼﺒﺮﻧﺎ ﻋﻠﻲ ﺍﻟﺰﻭﻝ ﺩﻩ • ﻻ ﻟﻮﻡ ﻭ ﻻ ﺗﺜﺮﻳﺐ ﻋﻠﻲ ﺷﺪﺍﺩ ﻭ ﻫﻮ ﻳﺴﻮﻁ ﺍﻟﻜﺮﺓ ﺍﻟﺴﻮﺩﺍﻧﻴﺔ • ﻻ ﻟﻮﻡ ﻭﻻ ﺗﺜﺮﻳﺐ ﻻﻧﻮ ﺗﺜﺮﺏ ﻣﻨﻮ ﻭ ﻋﺸﺎﻥ ﺷﻨﻮ • ﺯﻭﻝ ﻃﻠﻊ ﻣﻦ ﺍﻟﺴﻮﻕ ﻣﺸﻴﻨﺎ ﺟﺒﻨﺎﻫﻮ • ﺑﺮﺍﻧﺎ ﻭﻣﺎ ﻓﻲ ﺯﻭﻝ ﻭﺩﺍﻧﺎ • ﻣﺴﻜﻨﺎ ﻣﻦ ﺇﻳﺪﻭ ﻭﻗﻠﻨﺎ ﻟﻴﻬﺎ ﺗﻌﺎﻝ ﺳﻮﻁ ﺍﻟﻜﻮﺭﺓ • ﻟﺤﻘﻪ ﺃﺧﻮﺍﺗﻪ • ﺭﺍﺟﻞ ﻓﻲ ﻣﺜﻞ ﻫﺬﻩ ﺍﻟﺴﻦ ﻭﺣﺮﻛﺘﻪ ﺻﻌﺒﺔ ﺟﺎﻳﺒﻨﻮ ﻟﻲ ﺷﻨﻮ • ﻳﺨﻄﻂ ﻟﻠﺸﺒﺎﺏ ﻣﺜﻼً • ﻳﺘﺤﺮﻙ ﻧﺤﻮ ﺍﻻﺗﺤﺎﺩﺍﺕ ﻭﺍﻟﻤﺆﺳﺴﺎﺕ ﻣﺜﻼً • ﻳﺠﻲ ﻳﻨﻘﺬﻧﺎ ﻣﺜﻼً • ﻫﻮ ﻗﺎﺩﺭ ﻳﺠﻲ ﺍﻟﻤﻜﺘﺐ … • ﺍﻟﻤﺸﻜﻠﺔ ﻟﻴﺴﺖ ﻓﻲ ﺷﺪﺍﺩ • ﺷﺪﺍﺩ ﺯﻭﻝ ﻃﻠﻊ ﻣﻦ ﺍﻟﺴﻮﻕ ﻭﻗﻨﻊ ﻣﻦ ﺍﻟﻔﻠﻢ ﺩﻩ • ﻣﺸﻴﻨﺎ ﻓﺘﺸﻨﺎ ﺍﻻﺭﺷﻴﻒ ﻭﺭﺟﻌﻨﺎﻫﻮ • ﻭﻟﻼﺳﻒ ﺣﻨﺴﻨﺎﻫﻮ • ﻻﺗﺜﺮﻳﺐ ﻋﻠﻴﻪ • ﺍﻟﺘﺜﺮﻳﺐ ﻋﻠﻴﻨﺎ ﻧﺤﻨﺎ … • ﺍﻭ ﺑﺎﻻﺻﺢ ﻋﻠﻲ ﻣﻦ ﺣﻤﻠﻮﻩ ﻋﻠﻲ ﻋﻜﺎﺯﻩ ﻭﻧﺼﺒﻮﻩ ﺭﺋﻴﺴﺎً ﻟﻼﺗﺤﺎﺩ ﻣﺮﺓ ﺍﺧﺮﻯ • ﻭﻫﺎﻫﻲ ﺍﻟﻨﺘﻴﺠﺔ • ﺍﻋﺎﺩﺓ ﻻﻓﻼﻡ ﻗﺪﻳﻤﺔ ﻗﺒﻞ ﻇﻬﻮﺭ ﺍﻟﻤﻮﺑﺎﻳﻞ ﻭﺍﻟﺘﻘﺎﻧﺎﺕ ﺍﻟﺤﺪﻳﺜﺔ • ﺑﻨﻔﺲ ﺍﻟﻄﺮﻳﻘﺔ ﺍﻟﺘﻲ ﺍﺩﺍﺭ ﺑﻬﺎ ﺍﻻﺗﺤﺎﺩﺍﺕ ﺍﻟﺴﺎﺑﻘﺔ ﻳﺪﻳﺮ ﺍﻻﺗﺤﺎﺩ ﺍﻟﺤﺎﻟﻲ • ﻣﺠﺮﺩ ﺗﻌﺎﻟﻲ ﻭﺳﻔﺴﻄﺔ ﻭﻏﺮﻭﺭ ﻻﻣﻜﺎﻥ ﻭﻻﻣﻌﻨﻲ ﻟﻪ • ﻋﻠﻲ ﺍﻋﺘﺒﺎﺭ ﺍﻧﻪ ﺍﻻﻓﻬﻢ ﻭﺍﻻﻧﺰﻩ ﻭﺭﺟﻞ ﺍﻟﻤﺆﺳﺴﺎﺕ ﺍﻟﺪﻭﻟﻴﺔ ﻳﺘﻌﺎﻣﻞ ﻣﻊ ﺍﻟﻨﺎﺱ • ﻭﻋﻠﻲ ﺍﻋﺘﺒﺎﺭ ﺍﻧﻪ ﺧﺒﻴﺮ ﻭﻋﺎﻟﻤﻲ ﻳﺮﻳﺪﻫﻢ ﺍﻥ ﻳﺼﻤﺘﻮﺍ ﻭﻳﺘﺒﻌﻮﻩ • ﻭﻫﻤﺔ ﻻﻣﻌﻨﻲ ﻟﻬﺎ • ﻟﻦ ﺗﺠﺪ ﻓﻲ ﺳﻴﺮﺓ ﺷﺪﺍﺩ ﻫﺬﺍ ﺍﻧﺠﺎﺯ ﻭﺍﺣﺪ ﻳﻌﺘﺪ ﺑﻪ • ﻛﻠﻬﺎ ﻋﻨﺘﺮﻳﺎﺕ ﻋﻠﻲ ﺍﻟﻔﺎﺿﻲ • ﺍﻭﻗﻒ ﺍﻟﻼﻋﺐ ﺍﻟﻔﻼﻧﻲ ﻭﺍﻟﻨﺎﺩﻱ ﺍﻟﻔﻼﻧﻲ ﻭﺧﺼﻢ ﻧﻘﺎﻁ ﻫﻨﺎ ﻭﺗﻤﺴﻚ ﺑﺮﺍﻳﻪ ﻫﻨﺎﻙ • ﻟﻢ ﻳﺘﻄﻮﺭ ﻭﻟﻢ ﻳﻄﻮﺭ ﻗﺪﺭﺍﺗﻪ ﻭﻟﻢ ﻳﺤﺎﻓﻆ ﻋﻠﻴﻬﺎ ﻻﻥ ﺍﻟﺰﻣﻦ ﻟﻪ ﺍﺣﻜﺎﻡ • ﺍﻟﻘﺪﺭﺍﺕ ﻻﻣﻦ ﺗﻤﺸﻲ ﻟﻲ ﻓﻮﻕ ﺑﺘﻨﺰﻝ • ﻳﻌﻨﻲ ﻛﻞ ﻣﺎ ﺗﻤﺸﻲ ﻓﻲ ﺍﻟﻌﻤﺮ ﺍﻟﻘﺪﺭﺍﺕ ﺑﺘﻨﻘﺺ • ﻭﺣﺪﻳﺜﻨﺎ ﻫﺬﺍ ﻟﻴﺲ ﻻﻧﻪ ﺍﺗﺨﺬ ﻗﺮﺍﺭﺍﺕ ﻏﺮﻳﺒﺔ • ﺍﻭ ﻻﻥ ﺳﻌﺎﺩﺗﻪ ﺷﻐﺎﻝ ﺳﻮﺍﻃﺔ ﻓﻲ ﺣﺎﺟﺔ ﺳﺎﻃﻮﻫﺎ ﺍﻟﻘﺒﻠﻴﻬﻮ ﻭﻋﺎﻳﺰﺓ ﺗﺘﺮﺗﺐ • ﺣﺪﻳﺜﻨﺎ ﻫﺬﺍ ﻗﻠﻨﺎﻩ ﻳﻮﻡ ﻓﺎﺯ ﻓﻲ ﺍﻻﻧﺘﺨﺎﺑﺎﺕ • ﻗﻠﻨﺎ ﻳﻮﻣﻬﺎ ﺃﻥ ﻋﻮﺩﺓ ﺷﺪﺍﺩ ﺩﻭﺍﺀ ﻣﺮّ … • ﻭﺍﻥ ﺍﻟﺮﺟﻞ ﻋﻨﺪﻣﺎ ﻳﺠﻠﺲ ﻋﻠﻲ ﺍﻟﻜﺮﺳﻲ ﺳﻴﻤﺪ ﻟﺴﺎﻧﻪ ﻟﻠﺠﻤﻴﻊ • ﻭﻫﺎﻫﻮ ﻳﻔﻌﻠﻬﺎ … • ﻫﺎﻫﻮ ﻳﻤﺪ ﻟﺴﺎﻧﻪ ﻟﻠﺠﻤﻴﻊ • ﻭﻳﺨﺘﻠﻒ ﻣﻊ ﺍﻟﺠﻤﻴﻊ … • ﻣﻦ ﺳﺎﻧﺪﻭﻩ ﻓﻲ ﻓﻰ ﺍﻻﻧﺘﺨﺎﺑﺎﺕ ﻭ ﺍﻻﻋﻼﻡ ﻭﻣﻨﺴﻮﺑﻲ ﺍﻻﺗﺤﺎﺩ • ﺣﺘﻲ ﺯﻣﻼﺀﻩ ﻓﻲ ﺍﻻﺗﺤﺎﺩ ﺍﺧﺘﻠﻒ ﻣﻌﻬﻢ • ﺍﻟﺰﻣﻼﺀ ﺍﻟﺬﻳﻦ ﺣﺰﻣﻮﺍ ﺷﻨﻄﻬﻢ ﻣﻦ ﺍﺻﻘﺎﻉ ﺍﻟﺴﻮﺩﺍﻥ ﻭﺍﻗﺎﻣﻮﺍ ﻓﻲ ﺍﻟﺨﺮﻃﻮﻡ ﻭﺳﻴﻄﺮﻭﺍ ﻋﻠﻲ ﺍﻟﻜﺮﺓ ﺍﻟﺴﻮﺩﺍﻧﻴﺔ • ﺣﺘﻲ ﻫﺆﻻﺀ ﻻﻳﺮﻳﺪ ﺍﻥ ﻳﺴﻤﻊ ﻣﻨﻬﻢ ﻛﻠﻤﺔ ( ﺑﻐﻢ ) • ﺟﺎﺀ ﺑﻤﺎﺯﻥ ﺍﺑﻮ ﺳﻦ ﻭﺳﻠﻤﻪ ﻣﺮﺍﺳﻼﺕ ﺍﻟﻔﻴﻔﺎ ﻭﺍﻟﺴﻴﺴﺘﻢ • ﻭﺍﺑﻌﺪ ﻋﺼﺎﻡ ﺷﻌﺒﺎﻥ … • ﻓﻘﻂ ﻻﻧﻪ ﺯﻭﻝ ﻧﺎﺱ ﺍﺳﺎﻣﺔ ﻭﻣﻌﺘﺼﻢ • ﺣﺘﻲ ﺍﻻﻣﻴﻦ ﺍﻟﻌﺎﻡ ﺍﺑﻮﺟﺒﻞ ﺍﺑﻌﺪﻩ ﻋﻦ ﺭﺳﺎﺋﻞ ﺍﻟﻔﻴﻔﺎ ﻭﺳﻠﻢ ﺍﻟﻤﻮﺿﻮﻉ ﻟﻤﺎﺯﻥ • ﻭﻣﺎﺯﻥ ﻫﺬﺍ ﻻﺻﻔﺔ ﻟﻪ ﺍﻻ ﺍﻧﻪ ﺯﻭﻝ ﺷﺪﺍﺩ • ﺻﻤﺖ ﺍﻟﺠﻤﻴﻊ ﻭﺷﺪﺍﺩ ﻳﺴﻠﻢ ﺍﻟﻤﺮﺍﺳﻼﺕ ﻟﺸﺨﺺ ﻻﺻﻔﺔ ﻟﻪ ﻓﻲ ﺍﻻﺗﺤﺎﺩ • ﻭﺗﻌﺎﻣﻠﻮﺍ ﻣﻊ ﺍﻟﻤﻮﺿﻮﻉ ﻋﺎﺩﻱ • ﻧﺎﺱ ﻓﺮﺣﺎﻧﻴﻦ ﺑﺎﻟﻤﻨﺎﺻﺐ ﻣﺎﻋﺎﻳﺰﻳﻦ ﻳﻔﺴﺪﻭﺍ ﺍﻟﻔﺮﺣﺔ • ﺍﻟﻲ ﺍﻥ ﻭﺿﻊ ﻣﺎﺯﻥ ﺍﻻﺗﺤﺎﺩ ﻛﻠﻪ ﻋﻠﻲ ﺍﻟﻤﺤﻚ • ﺍﺧﻔﻲ ﺧﻄﺎﺑﺎﺕ ﺍﻟﻬﻼﻝ ﻭﺍﻻﻧﺬﺍﺭﺍﺕ ﺍﻟﺘﻲ ﻭﺻﻠﺖ ﻣﻦ ﺍﻟﻔﻴﻔﺎ • ﻭﺟﻌﻠﻨﺎ ﻧﺨﺴﺮ ﺳﺖ ﻧﻘﺎﻁ … • ﺭﻏﻢ ﺍﻟﺨﻄﺎﺑﺎﺕ ﺍﻟﻌﺪﻳﺪﺓ ﺍﻟﺘﻲ ﻭﺻﻠﺖ ﻟﻢ ﻳﺨﺮﺝ ﻣﺎﺯﻥ ﺍﻻ ﺍﻻﻧﺬﺍﺭ ﺍﻻﺧﻴﺮ ﻭﻧﺤﻦ ﻋﻠﻲ ﺑﻌﺪ ﺳﺎﻋﺎﺕ ﻣﻦ ﻋﻘﻮﺑﺔ ﺧﺼﻢ ﺍﻟﻨﻘﺎﻁ • ﻭﻫﻮ ﻳﻌﻠﻢ ﺍﻥ ﺍﻟﻮﻗﺖ ﻟﻦ ﻳﺴﻤﺢ ﻟﻠﻬﻼﻝ ﺑﺤﻞ ﺍﻟﻤﺸﻜﻠﺔ • ﺳﻜﺖ ﺷﺪﺍﺩ ﻭﺍﻟﻔﺮﺣﺎﻧﻴﻦ ﻭﺍﺟﺘﻬﺪﻭﺍ ﻓﻲ ﺍﻟﺘﺒﺮﻳﺮ ﻭﺍﻟﺪﻓﺎﻉ ﻋﻦ ﺧﻴﺎﺭ ﺷﺪﺍﺩ • ﺛﻢ ﺣﺎﻭﻝ ﺗﺴﺠﻴﻞ ﻻﻋﺒﻲ ﺍﻟﻤﺮﻳﺦ ﺍﻟﺒﺮﺍﺯﻳﻠﻴﻴﻦ ﺭﻏﻢ ﻋﻘﻮﺑﺎﺕ ﺍﻟﻔﻴﻔﺎ • ﺧﺎﻃﺐ ﺍﻟﻔﻴﻔﺎ ﺑﻮﻗﺎﺋﻊ ﻏﻴﺮ ﺣﻘﻴﻘﻴﺔ ﻟﻠﺴﻤﺎﺡ ﺑﺘﺴﺠﻴﻞ ﺍﻟﻼﻋﺒﻴﻦ • ﺩﻭﻥ ﻋﻠﻢ ﺍﻻﺗﺤﺎﺩ … • ﺧﺎﻃﺒﻬﻢ ﻋﺒﺮ ﺳﻴﺴﺘﻢ ﺍﻻﺗﺤﺎﺩ ﻭﺣﻮﻟﻪ ﺍﻟﻲ ﺳﻴﺴﺘﻢ ﺗﺎﺑﻊ ﻟﻠﻤﺮﻳﺦ • ﺩﻭﻥ ﻋﻠﻢ ﺍﺑﻮﺟﺒﻞ ﻭﺍﻟﻔﺮﺣﺎﻧﻴﻦ ﺍﻟﺬﻳﻦ ﻳﺪﻳﺮﻭﻥ ﺍﻻﺗﺤﺎﺩ • ﻭﻟﺰﻣﻮﺍ ﺍﻟﺼﻤﺖ ﺍﻟﻲ ﺍﻥ ﺧﺮﺝ ﺣﻤﻴﺪﺗﻲ ﺍﺧﻴﺮﺍ ﻓﻲ ﺍﺟﺘﻤﺎﻉ ﺍﻟﻤﺸﻜﻠﺔ ﻭﺍﻛﺪ ﺍﻟﻮﺍﻗﻌﺔ • ﺣﺘﻲ ﺍﻟﺨﻄﺎﺑﺎﺕ ﺍﻟﻤﺴﺮﺑﺔ ﻭﺍﻟﺘﻲ ﻧﺸﺮﺕ ﻓﻲ ﺍﻟﺼﺤﻒ ﻋﻦ ﻣﻜﺎﺗﺒﺎﺕ ﻭﺻﻠﺖ ﻣﻦ ﺍﻟﻔﻴﻔﺎ ﻟﻴﺴﺖ ﺑﻌﻴﺪﺓ ﻋﻦ ﻣﺎﺯﻥ • ﻣﻊ ﺫﻟﻚ ﺩﺍﻓﻊ ﺷﺪﺍﺩ ﻋﻨﻪ • ﻭﻋﻨﺪﻣﺎ ﻭﺻﻞ ﺍﻟﺠﻤﻴﻊ ﻣﺎﻋﺪﺍ ﺷﺪﺍﺩ ﺍﻟﺬﻱ ﺣﺎﻭﻝ ﺍﻟﺘﻤﺎﻫﻲ ﻣﻊ ﺍﻟﺼﻮﺕ ﺍﻟﻌﺎﻟﻲ ﻋﻨﺪﻣﺎ ﺷﻌﺮ ﺍﻥ ﺍﻻﻣﻮﺭ ﺗﻜﺎﺩ ﺗﻔﻠﺖ ﻣﻨﻪ • ﺣﺘﻲ ﻋﻨﺪﻣﺎ ﻭﺻﻞ ﺍﻟﺠﻤﻴﻊ ﻟﻤﺮﺣﻠﺔ ﺍﻗﺼﺎﺀ ﻣﺎﺯﻥ ﻟﻢ ﻳﻘﺘﻨﻊ ﺍﻟﺒﺮﻭﻑ ﺗﻤﺎﻣﺎ • ﻟﻜﻦ ﻳﻼ ﻭﺭﻭﻧﺎ ﺣﺎﺗﻌﻤﻠﻮﺍ ﺷﻨﻮ … • ﻣﺎﺯﻥ ﻣﺎ ﺍﻧﺴﺘﺮ • ﻭﻣﺎﺳﺘﺮ ﺍﻟﺒﺮﻭﻑ • ﺭﻓﺾ ﻣﺎﺯﻥ ﺗﺴﻠﻴﻢ ﺍﻟﺒﺎﺳﻮﻭﺭﺩ • ﺷﻔﺖ ﻛﻴﻒ … • ﺣﺘﻲ ﺍﻟﺒﺮﻭﻑ ﺍﻟﺬﻱ ﺟﺎﺀ ﺑﻪ ﻟﻢ ﻳﺴﺘﻄﻊ ﺍﻗﻨﺎﻋﻪ • ﺩﺧﻞ ﺍﻟﻐﺎﺑﺔ … • ﺯﻭﻝ ﻣﺎﺷﻐﺎﻝ ﻓﻲ ﺍﻻﺗﺤﺎﺩ ﻭﻣﺎﻋﻨﺪﻭ ﺻﻔﺔ ﻭﺟﺎﻳﺒﻨﻮ ﺳﺎﻛﺖ ﺷﺎﻳﻞ ﺍﻟﺒﺎﺳﻮﻭﺭﺩ ﺣﺎﻟﻴﺎً ﻭﻣﻤﻜﻦ ﻳﻌﻤﻞ ﺍﻱ ﺣﺎﺟﺔ • ﻣﻤﻜﻦ ﻳﺨﺎﻃﺐ ﺍﻟﻔﻴﻔﺎ ﺑﺎﻱ ﺣﺎﺟﺔ ﻭﻳﺠﻴﺐ ﻛﺎﺭﺛﺔ • ﻗﻮﻝ ﻭﺍﺣﺪ … • ﺍﻟﺘﺎﻧﻲ ﺯﻭﻝ ﺍﺳﻤﻪ ﺍﻣﻴﺮ ﺧﻴﺮ ﺍﻟﻠﻪ • ﻋﻴﻨﻪ ﺷﺪﺍﺩ ﻣﺪﻳﺮﺍً ﻟﻤﻜﺘﺒﻪ • ﺣﺴﺐ ﺣﺪﻳﺚ ﺣﻤﻴﺪﺗﻲ ﻓﻲ ﺍﻻﺟﺘﻤﺎﻉ ﺍﻟﺸﻬﻴﺮ ﻓﺎﻥ ﺍﻣﻴﺮ ﺧﻴﺮ ﺍﻟﻠﻪ ﻣﺴﺆﻭﻝ ﻋﻦ ﻣﺸﺎﻛﻞ ﻣﺎﻟﻴﺔ • ﺣﻤﻴﺪﺗﻲ ﻗﺎﻝ ﻟﻴﻬﻮ ﺑﻮﺿﻮﺡ ﺍﻟﻔﺴﺎﺩ ﻓﻲ ﻣﻜﺘﺒﻚ • ﻭﺍﻟﺘﺼﺎﺩﻳﻖ ﺑﺘﻄﻠﻊ ﻣﻨﻚ ﻟﻴﻬﻢ • ﻭﻟﻴﻬﻢ ﺩﻱ ﻟﻮ ﺣﻘﺖ ﺍﻣﻴﺮ ﺧﻴﺮ ﺍﻟﻠﻪ ﻻﻥ ﺷﺪﺍﺩ ﻣﻄﺎﻟﺐ ﺑﺎﻟﺘﺤﻘﻴﻖ ﻓﻴﻬﺎ • ﻣﺶ ﻋﺎﻣﻞ ﻧﺰﻳﻪ ﻭﺿﺪ ﺍﻟﻔﺴﺎﺩ • ﻣﻄﺎﻟﺐ ﺑﺎﻟﺘﺤﻘﻴﻖ ﻭﺍﻋﻼﻥ ﺍﻟﻨﺘﺎﺋﺞ • ﻟﻮ ﻃﻠﻊ ﺍﻣﻴﺮ ﻗﻮﻝ ﺍﺗﻨﻴﻦ • ﺍﻟﺘﺎﻟﺖ ﺩﻩ ﻣﺪﺭﺏ ﺍﻟﻤﻨﺘﺨﺐ • ﺍﻟﺰﻭﻝ ﺍﻟﻜﺮﻭﺍﺗﻲ ﺍﻻﺑﺘﻼﻧﺎ ﺑﻬﻮ ﺩﻩ • ﺳﻮﺑﺮﻣﺎﻥ ﺷﺪﺍﺩﻱ • ﻣﺪﺭﺏ ﺍﻟﻤﻨﺘﺨﺐ ﺍﻻﻭﻝ ﻭﺍﻻﻭﻟﻤﺒﻲ ﻭﺍﻟﺸﺒﺎﺏ ﻭﻗﺮﻳﺒﺎً ﻣﺪﺭﺏ ﺍﻟﻤﻨﺘﺨﺐ ﺍﻟﻨﺴﻮﻱ ﻭﻣﻨﺘﺨﺐ ﺑﻄﻮﻟﺔ ﺟﻴﻢ • ﺣﺎﺟﺔ ﻛﺪﻩ ﻋﻠﻲ ﻣﻘﺎﺱ ﺷﺪﺍﺩ • ﺯﻭﻝ ﻓﺎﺷﻞ • ﺍﻟﻤﻨﺘﺨﺐ ﻻﻣﻦ ﻛﺎﻥ ﺑﻴﻔﺘﺶ ﻋﻦ ﻣﺪﺭﺏ ﺭﺷﺤﻮﺍ ﻟﻴﻬﻢ ﻧﻮﻓﻮ ﻭﺩﻩ ﻣﺪﺭﺏ ﻛﺒﻴﺮ ﻭﻋﺪﺩ ﻣﻦ ﺍﻻﺳﻤﺎﺀ ﻣﻦ ﺑﻴﻨﻬﺎ ﺍﻟﻜﺮﻭﺍﺗﻲ ﺩﻩ • ﺍﻭﻝ ﻛﺎﻋﺮﻑ ﺭﻛﺐ ﺍﻟﻄﻴﺎﺭﺓ ﺟﺎﺀ • ﻋﺮﻑ ﺳﺎﻛﺖ ﺍﻧﻮ ﻣﺮﺷﺢ ﺭﻛﺐ ﺟﺎﺀ ﺍﻟﺴﻮﺩﺍﻥ • ﺷﺪﺍﺩ ﺳﻠﻤﻮ ﻋﺮﺑﻴﺔ ﺟﻴﺎﺩ ﻭﺍﻟﻤﻨﺘﺨﺒﺎﺕ ﻛﻠﻬﺎ • ﻭﺍﻫﻮ ﺍﻧﺘﻮ ﺷﺎﻳﻔﻴﻦ … • ﻋﻮﺍﺳﺔ ﺷﺪﻳﺪﺓ • ﺍﻟﻤﻨﺘﺨﺐ ﺍﻻﻭﻝ ﺧﺴﺮ ﻣﻦ ﺍﺿﻌﻒ ﺍﻟﻤﻨﺘﺨﺒﺎﺕ ﻭﺑﻴﻠﻌﺐ ﺍﻻﻥ ﻣﻦ ﺍﺟﻞ ﺷﺮﻑ ﺍﻟﻤﻨﺎﻓﺴﺔ • ﻭﺍﻻﻭﻟﻤﺒﻲ ﺍﻟﻠﻪ ﻟﻄﻒ ﺑﻴﻬﻮ • ﺗﺨﻴﻞ ﺍﻟﻤﻨﺘﺨﺐ ﺍﻛﻤﻞ ﺍﻟﻤﺒﺎﺭﺍﺓ ﺑﻲ ﺗﻤﺎﻧﻴﺔ ﻻﻋﺒﻴﻦ ﻻﻧﻮ ﺍﻟﻜﺮﻭﺍﺗﻲ ﺍﻛﻤﻞ ﺗﺒﺪﻳﻼﺗﻪ ﺑﺪﺭﻱ ﻭﻓﻲ ﺍﻟﺸﻮﻁ ﺍﻟﺘﺎﻧﻲ ﻋﻨﺪﻧﺎ ﻟﻌﻴﺒﺔ ﺍﺻﻴﺒﻮﺍ • ﺍﺣﺘﺠﻨﺎ ﻟﻠﺘﺒﺪﻳﻼﺕ ﻓﻠﻢ ﻧﺠﺪﻫﺎ • ﺍﻟﻜﺮﻭﺍﺗﻲ ﺍﻧﺘﻬﻲ ﻣﻨﻬﺎ • ﻟﻮﻻ ﻟﻄﻒ ﺍﻟﻠﻪ ﻭﺭﺟﺎﻟﺔ ﺍﻻﻭﻻﺩ ﻛﺎﻥ ﺷﻠﻨﺎ ﻛﺘﻴﺮ • ﻛﺎﻥ ﻣﻤﻜﻦ ﻳﻨﻬﺎﺭﻭﺍ … • ﺗﻤﺎﻧﻴﺔ ﻻﻋﺒﻴﻦ ﻗﺼﺎﺩ ﺣﺪﺍﺷﺮ • ﺣﺼﻞ ﺷﻔﺖ ﻓﻠﻢ ﺯﻱ ﺩﻩ … • ﻓﻲ ﺍﻟﺪﻭﺭﻱ ﺍﻟﻤﻤﺘﺎﺯ ﺍﻭ ﺍﻟﺘﺎﻫﻴﻠﻲ ﺍﻭ ﺣﺘﻲ ﺭﻭﺍﺑﻂ ﺍﻟﻨﺎﺷﺌﻴﻦ • ﻓﺮﻳﻖ ﻳﻜﻤﻞ ﺍﻟﻤﺒﺎﺭﺍﺓ ﺑﺜﻤﺎﻧﻴﺔ ﻻﻋﺒﻴﻦ ﻻﻧﻮ ﺍﻟﻤﺪﺭﺏ ﺧﻠﺺ ﺍﻟﺘﺒﺪﻳﻼﺕ • ﺩﻩ ﺍﻟﻤﺪﺭﺏ ﺍﻻﺧﺘﺎﺭﻭ ﺷﺪﺍﺩ • ﺑﺬﻛﺮﻙ ﺑﻲ ﻣﻨﻮ … • ﺍﻳﻮﻭﻭﺓ … • ﻭﺍﺯﺭﻳﻚ ﺍﻟﺒﻮﻟﻨﺪﻱ ﺍﻟﺬﻱ ﺟﻌﻠﻨﺎ ﻧﺨﺴﺮ ﺣﺘﻲ ﻣﺒﺎﺭﻳﺎﺗﻨﺎ ﺩﺍﺧﻞ ﺍﻻﺭﺽ ﺑﺎﺳﻜﻮﺭ • ﻭﻏﺎﺩﺭ ﻗﺒﻞ ﺍﻥ ﺗﻠﺘﻬﻤﻪ ﺍﻟﺤﺸﻮﺩ ﺍﻟﺠﻤﺎﻫﻴﺮﻳﺔ ﺍﻟﻐﺎﺿﺒﺔ ﻓﻲ ﺍﺳﺘﺎﺩ ﺍﻟﺨﺮﻃﻮﻡ • ﻧﻔﺲ ﺍﻟﺴﻴﻨﺎﺭﻳﻮ ﻳﻌﺎﺩ ﺍﻻﻥ • ﻳﺠﻴﺐ ﻟﻴﻚ ﺧﻮﺍﺟﺔ ﻻﺗﺎﺭﻳﺦ ﻟﻪ ﻭﻳﺪﻳﻬﻮ ﺍﻟﻤﻨﺘﺨﺒﺎﺕ ﻭﻳﺨﻠﻴﻬﻮ ﻳﺴﻮﻁ • ﺗﺴﺎﻟﻮﺍ ﻳﻘﻮﻝ ﻟﻴﻚ ﻟﻌﻴﺒﺘﻨﺎ ﻓﺎﻗﺪ ﺗﺮﺑﻮﻱ ﻭﻣﺪﺭﺑﻴﻨﺎ ﻓﺎﺷﻠﻴﻦ ﻭﺍﻟﺰﻭﻝ ﺩﻩ ﺑﺼﻨﻊ ﻣﻦ ﺍﻟﻔﺴﻴﺦ ﺷﺮﺑﺎﺕ • ﻓﺼﻴﻴﻴﺢ ﻭﻣﺎﻋﻨﺪﻭ ﺍﻟﺘﻜﺘﺢ • ﺍﻋﺘﻘﺪ ﻣﺎﻓﻲ ﺯﻭﻝ ﺍﻻﻥ ﻋﻨﺪﻭ ﻗﻨﺎﻋﺔ ﺍﻧﻮ ﺍﻟﻜﺮﻭﺍﺗﻲ ﺩﻩ ﻣﺪﺭﺏ ﻣﻤﻜﻦ ﻳﺤﻘﻖ ﻟﻴﻨﺎ ﺍﻧﺠﺎﺯﺍﺕ • ﺯﻭﻝ ﻓﺎﺷﻞ ﻭﻋﺎﻃﻞ ﻋﻦ ﺍﻟﻌﻤﻞ ﻣﺎﺳﻚ ﺑﻴﻨﺎ ﺯﻣﻦ • ﺩﻩ ﺍﻟﺘﺎﻟﺖ • ﺍﻟﺮﺍﺑﻊ ﻫﻮ ﻣﺴﺆﻭﻝ ﺍﻟﻤﻨﺘﺨﺒﺎﺕ • ﺍﻻﺥ ﺣﺴﻦ ﺑﺮﻗﻮ … • ﺯﻭﻝ ﻣﺎﻋﻨﺪﻭ ﺍﻱ ﻋﻼﻗﺔ ﺑﺎﻟﻜﻮﺭﺓ • ﻛﺎﻥ ﻣﺴﺆﻭﻝ ﻣﻠﻒ ﺗﺸﺎﺩ ﻓﻲ ﺍﻟﻤﺆﺗﻤﺮ ﺍﻟﻮﻃﻨﻲ • ﺷﺎﻟﻮﻫﻮ ﻭﻋﻤﻞ ﻟﻴﻬﻮ ﻣﻨﻈﻤﺔ ﻃﻮﻋﻴﺔ • ﻓﺠﺄﺓ ﺑﻘﻲ ﻛﻮﺭﻧﺠﻲ ﻭﺑﻠﻌﺐ ﺑﺎﻙ ﻳﻤﻴﻦ • ﻣﻦ ﻋﻴﻚ ﻣﺴﻜﻮﻫﻮ ﺩﻳﻚ • ﺑﻘﻲ ﻣﺴﺆﻭﻝ ﺍﻟﻤﻨﺨﺒﺎﺕ ﺣﺘﺔ ﻭﺍﺣﺪﺓ • ﻭﺍﻫﻮ ﺑﺮﺿﻮ ﺍﻧﺘﻮ ﺷﺎﻳﻔﻴﻦ • ﻣﻦ ﺟﺎﻧﺎ ﺑﺮﻗﻮ ﻣﻨﺘﺨﺒﺎﺗﻨﺎ ﻣﺎﺷﺔ ﺑﻲ ﻗﻔﺎﻫﺎ • ﻋﻤﻮﻣﺎً … • ﺍﻻﻥ ﻭﺑﻌﺪ ﻗﺮﺍﺭ ﺷﺪﺍﺩ ﺑﺘﻘﻠﻴﺺ ﺍﻟﻜﺸﻒ ﻭﻣﺴﺢ ﺍﻟﺮﺩﻳﻒ ﻭﺗﻘﻴﻴﺪ ﻣﺸﺎﺭﻛﺔ ﺍﻟﻤﺠﻨﺴﻴﻦ ﻭﺍﻟﻤﺤﺘﺮﻓﻴﻦ ﺍﺻﺒﺢ ﻋﻨﺪﻧﺎ ﺍﺗﺤﺎﺩﻳﻦ • ﺭﺳﻤﻲ ﻓﻬﻤﻲ ﻧﻈﻤﻲ • ﺍﺗﺤﺎﺩ ﺷﺪﺍﺩ ﻭﺣﻮﺍﺭﻳﻴﻪ ﻭﺍﺗﺤﺎﺩ ﺣﻤﻴﺪﺗﻲ • ﺣﻤﻴﺪﺗﻲ ﻣﺎ ﺗﺴﻤﻊ ﺍﻟﻨﻐﻤﺔ … ﺍﺧﻮﻧﺎ ﺍﻟﻜﺮﻭﺍﺗﻰ … ﺍﻟﻠﻪ ﻳﺼﺒﺮﻧﺎ ﻋﻠﻲ ﺍﻟﺰﻭﻝ ﺩﻩﺑﻴﻦ ﺳﻴﺴﺘﻢﻣﺎﺯﻥ ﻭﺷﻮﺍﺭﻉ 77 مشاركة المقال
