فضائية مميتة

0
25

في السلك

بابكر سلك

فضائية مميتة

*كشفت الثورة الشابة عن تخريفات كهول عجيبة
*تخيل يا اخي الحبيب
*فضائية تسبح في الفضاءات الاعلامية وتصل جل العالم
*تفرد اجنحة شاشتها لاسقاطات مخجلة وببجاحة متناهية وقوة عين لاتعرف الحياء
*اخي الكريم
*ثورتنا الشابة وصلت لكل العالم برغم مواقف الاعلام المرئي الداخلي وقصور الاعلام العالمي في بداياتها
*ثورة انتشرت ونشرت نفسها بايدها وشديدها
*لانها ماكانت ثورة سياسة بقدرما كانت ثورة علي الاخلاق
*ولكن اخي الكريم
*يصر البعض علي التمسك بتلك الاخلاق الساقطة التي قامت لاجل ابادتها الثورة
*ثورة لاتعرف الكذب
*ولكنها تحارب الكذب والتلفيق والتلتيق
*ثورة ادهشت العالم بسلميتها رغم وحشية محاولات قمعها
*ثورة الجمت الخونة حجرا في حلاقيم كذبهم الغريقة التي يكذبون من خلالها علي انفسهم ويعتقدون انهم يخدعون الناس ومايخادعون الا انفسهم
*ثوار احرار شباب اصحاب قيم واخلاق وولاء للمواطن والوطن
*قدموا الارواح فداءا للثورة وبدلوا الافراح اتراحا لاجل الوطن الحزين
*فيهم من خرج من الثورة بعاهة دائمة
*وفيهم من يعاني نزف الجراح والآلام حتي كتابة هذه الاسطر
*وبعد ده كلو تطل علينا تلك الفضائية القبيحة خلقة واخلاق
*لتصف الثوار والكنداكات بالزناة والسكاري والخارشين والمساطيل
*بربكم الا تستحق تلك الشاشة المحاسبة قبل المقاطعة الابدية؟؟؟
*الآن فقط عرفت لماذا هي فاشلة اصلا ومقاطعة حتي من قبل الثورة
*فضائية يجب مسح ترددها من كل الاجهزة والي الابد
*قرف يقرفكم
*حتي الثورة علي الاخلاق ماخجلتكم من اخلاقكم القبيحة؟؟؟؟
*المهم
*هلالابي قال لي عندنا ستة كور دقت في الحديدة
*قلت ليهو انه عهد العدالة المابشتغل فيهو تحكيم ولاتنجيم ولا محاباة
*حاتعيشوا طويل وتاخدوا غيرها كتير
*فالتنافس بالمؤثرات قد ولي
*واخاف علي الهلال في عهد العدالة من اللعب في مجموعة كوستي آخر الموسم المقبل
*ايها الناس
*الكهرباء ورتنا الطفا النور منو
*فكان الهتاف المزيف السد السد
*وجاءت القطوعات الرد الرد
*فهل ماندفعة ثمنا لهذه القطوعات سنحاسب به من اتي الينا بتلك الأجهزة البالية
*ام نكتفي فقط بالدعاء عليهم كالعادة؟؟
*المهم
*سمعت انو واحد من الناس الجوة الجك طلب السماح له بزيارة والدته
*والدتك بالتا؟
*ياخ انتوا حرمتوا امهات من شوفت اولادهن مدي الحياة
*ياخ انتوا حرمتوا شباب من شوفت الدنيا مدي الحياة
*ياخ انتوا حرمتوا اسر من اولادها
*واولاد من اسرهم
*ياخ انتوا حرمتوا الناس من وطننهم
*وحرمتوا الوطن من ناسو
*تقول لي اشوف امي ؟
*ماما مافي ببح
*فطموك يا الحبيب
*ضوق فقدان الحليب
*ياخ انتوا حرمتوا الزول من ماهيتو
*تقول لي امي
*الجمه
*ايها الناس
*الكاس كاسنا
*والفي كاس كاسنا
*ونحنا اهلو ونستاهلو
*اخي الحبيب
*انها ثورة اخلاق وعلي الاخلاق
*اليابان مافيها دين
*لكن اخلاقها عاليه
*عشان كدة مابكذبوا باسم الدين
*ولابكذبوا باسم عدم الدين
*ايكذب المؤمن يارسول الله؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*بالقطوعات الكتيرة دي
*عرفنا منو الطفا النور يا والينا
*لكن الازمات الفينا
*ناس الجاز والفلس والبنزينا
*ماعرفنا سببها منو ياوالينا
*المجلس
*ولا قوي التجمع
*ولا مسودة الاتفاق
*ولا العقالات
*ورينا
*الصفوف جننت الناس وطلعت….عينا
*عينا يا والينا
سلك كهربا
ننساك كيف والكلب قال شفت العقال المزيف قاعد وسط العقالات الاصلية زي التمرة الكعبة وسط صحن التمر ..الله يقطع التقليد
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك