قلة أدب وإنسجام وسماحة وحمام داخلي !!

0
1321

قزاز ورذاذ
محمد الطيب الأمين
قلة أدب وإنسجام وسماحة وحمام داخلي !!

* (تربية الأظافر) هي التربية الوحيدة التى تعتبرها مديرة مدرسة الإبتدائي (قلة أدب) ..
* فى المدرسة تعلمنا أن (تربية الأظفار) قلة أدب ، ولذلك كنا نُكثر من الأدب بـ(تقليم الأظفار) ..
* حالياَ (طول الأظافر) ليس له علاقة بالأدب لا من قريب ولا من بعيد ..
* الموضوع بقى أكبر من (الأظافر) يا مولانا ..
* الفنان شريف الفحيل (شق شعر رأسو) قبل أن (يشق طريقو) ..
* ولذلك الآن شريف الفحيل يمضي بثبات فيما يتعلق بـ(الوجاهات ونعومة الشعر) ..
* أرخص هدية (حمراء اللون) في عيد الحب هي (الطماطم) ، وأطعم هدية (حمراء اللون) في عيد الحب هي (البطيخة) ..
* وبما أن ذلك كذلك أنا ما عارف (الحبايب) الجابرهم شنو على الدباديب والدلاقين وكروت التهاني ؟؟
* لو بتعز حبيبتك جيب ليها طماطم وخليها تتغذي ..
* الحب عن طريق (المعدة) أفضل وأرخص وأفيد من الحب عن طريق (الدبدوب) الذي هو مجرد دلقان ..
* بصوته المحبوب غنى على أبراهيم اللحو : (وكت سيرتك يجيبوها أهلى كتير بريدوها) ..
* ومع الظرف الاقتصادى الطاحن تحولت الأغنية فأصبحت : (وكت شيلتك يجيبوها أهلى كتير بيحسبوها) ..
* أهل العروس فى العادة بيحسبوا حاجات (الشيلة) قطعة قطعة ..
* يمسكوا ليك الشيلة دى يحسبوها حاجة حاجة .. أ تقول طالبننا (دين) ..
* ولو فى حاجة واحدة ناقصة يحرشوا العروس يقولوا ليها : أضربى للولد ده قولي ليهو (الريحة دى ما أصلية) ..
* فى ناس قبل كده (طرشقو) العرس بسبب (صابون البدرة) ..
* والله صحي ..
* أهل العروس قالوا دايرين صابون (سائل) والعريس جاب ليهم صابون (بدرة) ..
* عندنا بلدياتنا رجعو ليهو (شيلتو) بسبب (الملح) ..
* قالو ليهو :الملح بتاعك ده طااااااعم ..
* طاعم بـ(الفاء) ..
* رغم أن مهاب عثمان دخل الوسط الفني والساحة (كااااااشفة) إلا أن الأيام قد كشفت مهاب عثمان ..
* إكتفى مهاب بظهوره عبر برنامج (أغاني وأغاني) ونام بعد ذلك على عسل حفلات بيوت الأعراس والمناسبات دون أن يقدم عملا فنيا بحفظه الناس ..
* مهاب يحتاج أن يخرج من جلباب فرفور ..
* (اللُقمة) لما تصل (بطن زول جيعان بتظهر في الوش) ..
* أول ما اللقمة تقع جوة البطن تلقى الزول (عينو فتحت) ..
* عشان كده بيقول ليك : (الجوع كافر) ..
* وبما أن (الرغيفة) بجنيه فنحن ندعو ونتمنى من الجوع أن يدخل الإسلام ..
* وغايتو جنس غايتو ..
* من أجمل تعابير الشاعر الكبير الراحل ود الرضي قوله : (عجوة معطونة بعسل) ..
* العجوة في حد ذاتها عسل ..
* والعسل (المعجون فى العجوة) يساوي (عسل تربيع) ..
* وهذا يعني بإختصار ان (محبوبة ود الرضي) هى : (فتاة تربيع) ..
* فى بنات السماحة عندهن تتألف من (ثلاثة طوابق) ..
* سماحة من (طبقات وطوابق) ..
* الطابق الأول (جمال ووداعة وهول) والطابق الثاني (إنسجام وسماحة وحمام داخلي) والطابق الثالث ( لطافة وحلاوة ومطبخ) ..
* وإحنا لينا الله وقُعاد المظلة ..
* أسوأ (خمسة) حاجات فى الدنيا دى (تلاتة) هى : (الهايس الما فيها كمسارى) و(المذيعة الصوتها زي صوت التلفون الصينى) ..
* بمناسبة التلفون الصيني ..
* لو كانت (الواسطة) مرض من الأمراض العضوية لمات نصف الشعب السوداني ..
* تسأل فلان مالو ؟؟ يقول كتلتو (الواسطة) ..
* تخش الفيسبوك تلقى مكتوب : توفى فلان الفلاني إثر (واسطة) لم تمهلة طويلا ..
* ولكن من نعمة الله أن (الواسطة) مرض إجتماعي وليس عضوي ..
* نحمدالله إنو الواسطة لا هي ملاريا ولا هي سكري ولا هي إيدز ..
* نحمدالله على ذلك ..
* والواسطة طبعا خشم بيوت ..
* في ناس واسطتهم (الوسامة والجمال) ..
* زول كل مؤهلات تعيينه تنحصر في (وسامته) ..
* وطبعا الواسطة الشائعة والرائجة هى واسطة (قريبي وقريبك ، صاحبي وصاحبك) ..
* ولو كانت الواسطة رجل لقتلته ..
* المدهش في (أكل المستشفى) أنه (الأكل الوحيد) الذي لا يأكله المريض ولا مرافق المريض ..
* الأكل في المستشفيات الحكومية لا تأكله إلا (الكدايس) ..
* (وجبات) تقدمها بعض المستشفيات الحكومية للمريض المقيم بأمر المرض ..
* وهذه الوجبات تشبه (اللبانة المستعملة) لا طعم لها ولا نكهة ..
* يجيبو ليك (عدس أغبش) ومن حولك ريحة (الديتول) و(الوسخ المقيم) ..
* لا تقدر تأكل ولا تقدر تقعد بالجوع ..
* حاجة تكسف والله ..
* حكمة الله .. (التمساح) بكل هيبته وقوته (يُبيض) ولا (يلد) ..
* زيو وزي (الجدادة) ..
* وقالوا في واحد لما عرف معلومة إنو التمساح يبيض ولا يلد ذهب للبحر وإنتظر خروج التمساح فقال له : والله أنا عارفك أنت شفت وأسد البحر وبتخوف الناس والسمك لكن أنا مما عرفتك بتبيض صدقني سقطت من نظري ..
* هسه في حياتنا في ناس كتاااار بقوا في نظرنا زي التمساح ده ..
* تماسيح (بتبيض) بعد ما كنا فاكرنها تماسيح (بتلد) ..
* وغايتو جنس غايتو ..
* يا أستاذة : لو جبتي لي (رغيفة حمراء اللون) أفضل من تجيبي لي (دبدوب) أطول من أخوك الصغير ..
* و..و..
* والبنريدو تايه ويا حليلو …..(كيس النايلون) ..

 

 

 

 

 

 

حمل تطبيق كورة سودانية لتصفح أسرع وأسهل

       

لزوارنا من السودان متجر موبايل1

                      

http://www.1mobile.com/net.koorasudan.app-2451076.html

                            

2,456حملو التطبيق      

                           

لزوارنا من جميع انحاء العالم من متجر قوقل

                              

https://play.google.com/store/apps/details?id=net.koorasudan.app

                     

17756 حملو التطبيق

 

على متجر apkpure

 

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

 

على متجر facequizz

 

http://www.facequizz.com/android/apk/1995361/

 

على متجر mobogenie

 

https://www.mobogenie.com/download-net.koorasudan.app-3573651.html

 

على متجر apk-dl

 

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

 

على متجر apkname

 

https://apkname.com/ar/net.koorasudan.app

ترك الرد

من فضلك ادخل تعليقك
من فضلك ادخل اسمك هنا