صحيفة كورة سودانية الإلكترونية

الكاردينال ترك الهلال يوم أن أوقف مرتب جمال سالم وأخوانه !!

854

بالعربي الكسيح

محمد الطيب الأمين

الكاردينال ترك الهلال يوم أن أوقف مرتب جمال سالم وأخوانه !!

 

* كل صاحب بصر وبصيرة يعلم أن الكاردينال هو ليس من (النبلاء) .
* ما تقول لي جوهرة .
* اوع.
* أي زول نيرجسي وبتاع (شو) ما بيكون نبيل.
* دي قاعدة ثابتة .
* وشخصية الكاردينال تجمع ما بين (حب الشو والشتارة والحماقة) .
* ولذلك لا غرابة في أن يذهب الكاردينال ويترك الهلال (غرقااان في الديون) .
* فهو يعجبه إذلال الناس .
* تركبيتو كده .
* بحب الناس تجيهو مذلولة.
* ونحن نعذره لأنه لا يعرف الهلال وأهل الهلال .
* ذهب الكاردينال وترك الهلال غرقان في الديون وفي ذلك هو مثله وصلاح إدريس وبعض الرؤساء الذين ذهبوا وتركوا الهلال مديون .
* مشكلة الهلال الآن ليس أنه يعاني من فراغ إداري.
* مشكلة الهلال أنه يعاني من ديون خلفها الكاردينال .
* كثيرون يظنون أن الكاردينال قد ترك الهلال يوم (٢٧) .
* والصحيح أن الرجل ترك الهلال قبل خمسة أشهر.
* ترك الهلال يوم أن أوقف مرتب جمال سالم.
* ترك الهلال يوم أن أوقف مرتب المدافع كايدو.
* ترك الهلال يوم أن أوقف مرتب مدرب اللياقة البدنية الذي هو اشطر مدرب لياقة مر على الهلال .
* الكاردينال ترك الهلال قبل خمسة أشهر حيث لم يعد يصرف على اللاعبين والجهاز الفني .
* صرف للاعبين الوطنيين مرتب عيد رمضان وتوقف بعد ذلك .
* أوقف المرتبات وقام خلال الشهور الخمسة الماضية بتشييد دكاكين جديدة وقبض المقدم .
* ولما سألوه قال : (الذكاء حقتي بتاعت رمضان اكتر من عائد ايجار الدكاكين) .
* طيب عائد إيجار الدكاكين الجديدة مشى وين طالما جمال سالم والجهاز الفني خمسة شهور ما صرفوا ؟
* خليك من ذكاة رمضان وذكاة الفطر .. ليه أوقفت مرتبات الناس دي قبل خمسة شهور ؟
* هل في ذلك حسن نية ؟
* لحدي الآن معاناة الهلال سببها الكاردينال .
* وتعال أنقاشك.
* الزول ده مشى آخر الشهر الفات .
* والشهر ده ياداب فيهو أسبوع.
* يعني اللاعبين بعد الكاردينال حقوقهم بطرف الهلال اسبوع بس .
* ما في معاناة جديدة لحدي الآن.
* آخر مرتب المفروض يصرفه اللاعبين والجهاز الفني كان في عهد مجلس الكاردينال .
* لحدي الآن الشهر ما تم بعد رحيل الكاردينال .
* يعني اللاعبين المرتب بتاع عيد الأضحى الما صرفوهو (معلق في رقبة الكاردينال) .
* الكاردينال لحدي قبل نهاية فترته بشهر شغال يبني في دكاكين ويقبض في المليارات بينما وقف الصرف على الجهاز الفني واللاعبين من قبل شهور طويلة.
* أنا دايرك تعرف حاجتين أتنين.
* الحاجة الأولى فترة الكاردينال إنتهت ليها عشرة أيام (يعني اي مشكلة او شكوى من لاعب في الوقت الراهن سببها الكاردينال) .
* حتى تأخر إعداد الفريق سببه الكاردينال ودائرة الكرة الوهمية .
* الهلال كان يفترض يبدأ إعداده يوم (٧-٧) ، يعني قبل نهاية فترة الكاردينال بثلاثة اسابيع .
* لكن الكاردينال من مصلحتو إنو إعداد الهلال ما يبدأ والفريق ما يحقق الدوري وجمال سالم يهرب واطهر الطاهر ما يجدد .
* الكاردينال بتمنى الحاجات دي طالما هو ما في .
* وأوع تقول لي هو مشى بمزاجو والكلام الفراغ ده .
* مش مشى بمزاجو ؟ أي ، طيب وقف المرتبات قبل خمسة شهور لشنو ؟
* الكاردينال معجب جدا بالرئيس المخلوع البشير بل هنالك شبه بينهما.
* البشير وناسو غاية امانيهم السودان يبقى زي سوريا ، والكاردينال وناسو كل امنياتهم الهلال ما تقوم ليهو قائمة .
* وأي زول بيقول غير كده كوز .
* الكاردينال ما قدم حسن نية لما قرر يمشي .
* والحاجة دي ظاهرة .
* دايرنا نقول حليل الكاردينال .
* مسكين ما بعرف الهلالاب .
* ما داير الهلال يضوق عافية من بعده .
* في زمن صلاح إدريس طلع بيان الجوع ومسيرة الهلال ماشة.
* وفي عهد الكاردينال يطلع بيان العطش والمسيرة برضو ح تمشي .
* وأنا مستعد اقسم بالله إنو الكاردينال ح يضر الهلال يوما ما .
* كلامي ده اتذكروا كويس .
* بيجي يوم قريب ده والكاردينال ح يعمل ضد الهلال.
* انتو في وانا في .
* زول من عرف نفسو ماشي وقف الصرف تتوقع منو شنو يعني ؟
* زول طلبوا منو مرتبات شهر سبعة قال ليهم أنا خليت الهلال .
* زول مدرب اللياقة قال ليهو اديني مرتباتي قال ليهو انتظر قروش الكاف .
* الخوف على الهلال ليس من الفراغ الإداري بل الخوف عليه من الكاردينال .
* وأي زول عبيط يجي يقول ليك : أها الكاردينال رحل ورونا شطارتكم ما تشتغل بيهو .
* يمشي ويخلي الهلال بدون ديون وكلتشات وعراقيل ، مش يمشي والهلال غرقان ديون .
* حركات الجوكية دي اعملها لناس ما بعرفوك .
* و..و..
* ونواصل .

قد يعجبك أيضا
5 تعليقات
  1. Hajjam يقول

    حسبنا الله ونعم الوكيل عليك ياكاردمار.

    1. ابو حسام يقول

      هههههاي الناس دي هاربه من قوة ضاربه…كنتو بتسخرو من المريخ والفلس واليوم عرفتو حالكم المايل بعد اكل السحت ومال يتامى السودان المليارات الدخلت كرش ابوالهل بواسطة الحاج عطا المنان مشت وين؟ دايرين كأس تمييييع بارد بدون حراية النقعة والفاشر والابيض وكادوقلي هههه غايتو جنس قوة عين ما سمعنا بيها في كل العالم… آخر حاجة كأس هدية من جمال سالم بتمثيلية في النقعة وهدفي منتصر هههه انتو فاكرين الناس عندها قرون؟ شدادكم يشد حيلو مع وزارة الصحة وعايز يعمل تمييييع ويهدي الهلال بطولة مزورة ويعفيهو من ٧ مباريات ٢ في النقعة واحدة نيالا وكادوقلي واحدة شيكان وانت انت يا هجمة نيران صديقة عارفها… اللهم زد كردنة قوة في وجه المفترين من يظلمون المريخ ويحابون طيش افريقيا صاحب الصفر المعمر.

  2. Daldoum Hagar يقول

    بعض كتاب الهلال هم سبب بلاوي الهلال و كذا كتاب بعض الاندية. الذي تعرض له الكاردينال من الشتم و السب من كتاب الهلال لم يععرض له شخص ابدا. و عليه فل تتباكو على ذهابه، فانتم لا تعنيكم مصلحة الهلال بقدر ما تعنيكم مصالحكم الضيقة . فالكاردينال قد موقف فاين هم المرشحون المزعومون (الخندقاوي و الكوارتي) و الذبن يبجهوا بالوعود و تسجيل فلان و علان” و اين هم صلاح ادريس و عموده الراتب في الهجوم على الكاردينال ، و كذا البرير، الخ. الان وضحت الحقيقة.
    بالنسبة للصحفيين اين شطارتكم و بدائلكم و حواء الهلال الولود (هذا لبس اوان العنتريات في الاعلام و لكن اوان دس الاحدي في الخيوب)’ فاتركوا التباكي و البفصاحة و ابحثوا عمن ينقذ الهلال و لا تعشموا في دوري هذا العام, هذا اذا بقي نجوم الهلال البارزين.

    1. Hajjam يقول

      حقوا تتباكوا انتو عليه لان مافعله للمريخ لم ولن يفعله اي رئيس للمريخ. حواء الهلال ولود وهناك العديد في الانتظار لرئاسة الهلال ولكن الكرة في ملعب الهلال. مش زي بني دلقون عندهم فرمالة واحدة سوداكال . الكاردمار هرب ولم يستقيل والكرة في ملعب الاتحاد لتعيين لجنة تسيير ولكادمار شغله كله تدمير. اسوا رئيس يمر علي الهلال وترك الهلال مثقل بالديون وتعمد الجرجرة وضياع الوقت ليطيل امد الفراغ الاداري. الله لاعاده

  3. صالح ابراهيم محمد يقول

    حاول لما تكتب مقال انك تتذكر انك كتبت قبل كده في هذا الموضوع عشان ما تناقض نفسك

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد