صحيفة كورة سودانية الإلكترونية

الكاردينال يزيل اســم الهــــلال !!

42

الموج الازرق

معتصم محمود

@ تمت تسمية فنان الطمبور محمد النصري مطرباً لسهرة احتفالية (صيانة) استاد الهلال !!

@ النصري عاشق المريخ لم يكتف بدعم عشقه الاحمر عبر المدرجات والحفلات بل تعداه لكتابة عمود راتب بالصحف المريخيه .
@ غالب الفنانين يخفون انتماءهم الرياضي احتراماً لجمهورهم الا النصري الذي لم يأباه للجمهور الازرق وهو يتغزل في مريخهه .
@ ترباس تم اختياره مع النصري لاحتفالية الصيانه !!
@ ترباس الذي اكرمه الارباب برحلة تونس فتهكم علي الازرق بسخافة (مشيت اشرب مويه) !!
@ فيما مضي كانت حفلات
الهلال قاصره علي المبدعين الزرق من كرومه الي وردي مروراً بمحمد ميرغني حتي جيل شكرالله والفحيل.
@ الشركة التي تشرف علي الاحتفالية مملوكه لمعتصم جعفر قطب المريخ المعروف !! .
@ شركة معتصم التي رعت المريخ من خلال احتكار شعاره .
@ راعية شعار المريخ باتت مشرفة علي احتفالية الهلال !!
@ قبل يومين تمت دعوة اعلام المريخ لزيارة الاستاد بقياده صاحب القلم الذي زعم ان الهلال صنيعة الانجليز !!
@ واجهة الاستاد تمت ازالة اسم (الهلال) منها ووضعت صورة الكاردينال منحوته واسمه !!
@ من عاليه نقول بالفم المليان ان هناك عمل مخطط ومدبر ضد الهلال الكيان .
@ عمل خبيث لتمريخ الهلال .
@ كنا نظن ان الامر لا يتعدي استجلاب المواسير الحمراء للهلال واستقدام مدرب مريخي لاول مرة في تاريخ الكيان .
@ ما كنا نظن ان الامر يمكن ان يصل لمرحلة ازالة اسم الهلال من واجهة الاستاد ووضع اسم وصورة الكاردينال !!
@ ادركوا الهلال يا اسياد .

خربشات

@ مازدا (تلاتات) بات مدرباً للمريخ .
@ سباعية الوحدات كانت علي يد مازدا وكذلك سداسيات اب اليمني وعلي النونو .
@ اشهر فضائح المريخ الجويه كانت علي عهد مازدا.
@ المريخ موعود بمزيد من الهزائم في عهد ملك الهزائم. @ الرأي عندي ان جبره لوحده اقدر علي قيادة المريخ .
@ في وجود عشرات الاقلام الزرقاء والمطبلاتيه اختار مجلس شوري الكاردينال اسماً وافداً علي الكيان لترؤس اللجنه الاعلاميه .
@ استشاريه كردنه لم تحترم حتي شجرابي زميلهم في الاستشاريه !!
@ اختيار الاستشاري لشخص بعيد عن الاعلام يعكس راي الاستشاريه في اعلام الهلال.
@ لا اعرف فقيري هذا لكن ومن خلال خطبته بقناة الكارزينال اجزم ان لاعلاقة للرجل بالاعلام .
@ الكاتب الذي يتقلب بين جيوب الاداريين لا يستحق منا التفاته .
@ عجبي لمن يهاجم اداري بضراوه ويدعي انه اس المشاكل ورمز الفشل ثم يتحول 180 درجه ليتغزل فيه !!
@ عجباً لمن يصفوه بمتسول المرض ثم لا يدافع عن نفسه ولا يرد علي من فضحه .
@ امثال هذا لا يستحق التفاته ويكفيه ازدراء القاري له .
@ القاري حصيف وزكي ويقرأ ما بين السطور .
@ الكتابات مدفوعة الاجر ظااااااااهره ومعروفه للقارئ.
@ تباً للمداد الرخيص المعروض لمن يدفع .

 

 

 حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوا التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

 

قد يعجبك أيضا
5 تعليقات
  1. salah يقول

    تووووووت تووووووت توووووت تووووووووووووووووووووت…….الليييييييلة النبض وقف خلاص !!
    الدكتور: الحاصل شنو؟
    الممرضة: النبض بتاعه وقف خلاص يادكتور
    الدكتور: طيب وريني الحصل شنو قبل توقف النبض؟
    الممرضة: ماعارفة يادكتور، بس المريض قنب يفرفر وقام علي حيلة وبكي يكورك ويقول كلام مامفهوم أبداً !!
    الدكتور: كيف يعني مامفهوم؟ كلام شنو القاله؟
    الممرضة: كان قاعد يقول ال 36 مليار ، قروش الدكاكين، كردنة أكل القروش…..ووقع طابي
    ههههههههههههههههه
    أها ما وريتنا مواعيد هروب كردنة متين، بعد الإفتتاح بتاع الجوهرة مباشرةً ولا بعد شهر ولا سنة ولا 25 سنة؟
    طيب إنت زعلان من دعوة إعلام المرخرخر ولا عشان مادعوك إنت وماعندك طريقة تخش الجوهرة؟
    وبعدين فقيري مارد عليك وعلي الجماعة الزيك عشان شايف إنو الموضوع مابستحق، لأنو لو رد علي كل متطاول حايديهو أكتر من قيمتة، وقعت ليك الشغلانة ولا لا؟
    لكمة أخيرة: إن شاء الله يوم الخميس نمشي نزيط وننطط ونطرب ونغني للهلال ولجوهرة الهلال الزرقاء، وحانعمل تحية جماعية موحدة للكاردينال باني الجوهرة من حر ماله، والناس الحاقدين أصحاب القلوب السوداء خليهم يمسكوا التلفون ويقعدوا جنب الزريبة ويسمعوا الإحتفال في الراديو ههههههههههههههههههههه

  2. الابريق يقول

    لاحولا !! 400 مليار من جيبك؟ حلال علينا يارئيس (فرع المريخ) بالعرضة شمال
    جمهور المريخ يشكرك على هديّتك هذه … مقرّان للزعيم واحد أصفر والآخر أحمر
    اسرع وسجّلها في السجل العقاري باسم حبّك الزعيم
    القناة والمنسقة والمدرب والفنانين ومؤسسة الدعاية وكبار الإعلاميين (كلهم حمر)

  3. فلافيلو يقول

    @ الكتابات مدفوعة الاجر ظااااااااهره ومعروفه للقارئ.
    @ تباً للمداد
    نحن حالنا كده …
    وإنتوااااا حالكم كيف … ؟!؟!؟!؟ يا
    والله العظيم قرأت موضوعك وأحسست بأن تناولك لكل شخصية جرحها قلمك وكأنما ( تصف به نفسك ).
    سبحااااااان الله كلامك كله ( فيك إنت ) شبه شديد ( الخالق الناطق ) ………..!؟!؟!؟!؟

  4. فلافيلو يقول

    سووري نسيت يا مختصم …
    إنت المداد العندك ده ( جبتو بي كم ؟!؟!؟!؟!؟ ) إن شاء الله يكون غالي شوية.

  5. atif salah يقول

    اولا السلام عليك معتصم
    ثانيا:- انت كتاباتك كلها فاقدة المنطق . ماممكن زول بيعل وشغال ويدفع من حر ماله وانت تبخس فى عمله الواضح حتى للزول الكفيف .
    ثالثا:-@ ما كنا نظن ان الامر يمكن ان يصل لمرحلة ازالة اسم الهلال من واجهة الاستاد ووضع اسم وصورة الكاردينال . طبا هذا نص من عمودك وانا اقول ليك اسم الهلال فى القلوب الملايين وليس واجهة استاد الهلال وخليك قدر الحدث .
    رابعا:- الله يسالك يامعتصم الذى تم فى استاد الهلال صيانة . والصيانة التى حدثت ماهو دورك ودعمك فى هذة الصيانة وبصراحة كتابتك كلها لا اظن تقنع طفل.
    @ امثالك يا معتصم يكفيه ازدراء القاري له

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد