باى باى كردنه

• لم يكن ( اطهر الطاهر ) زكيا ولا كان ( واقعيا ) ولا ممن هم ( عرفوا قدر نفسهم ) والمسكين قام بالخيال اوهام

وصدق ( المروجون ) لحدى ما ودوه ( الخور ) …. لهفى عليك يا ولدى ….

• وكما كان اطهر ( ساذجا ) كان الكاردينال ولأول مرة فى مسيرته ( الكملت ) امس … كان ( تفتيحه ) وطنش اللاعب ( الخيالى ) والوكيل ( النيبالي ) لحدى ما اتخارج صاحب

القوة المالية التى ( ولت الأدبار )

• بس برضو ( كردنه ) طلع ( ودسوق )

فإذا كان الراجل ( دقس ) حكومتى السودان ( شمال وجنوب ) ودقس امريكا

بجلالة قدرها كان غالبو يدقس نادى التربية ( البدنية ) …. الراجل طلع من

نادى ( الخريجين ) خريجين شنو ؟؟

غايتو انا ما عارف … المهم هو طلع من نادى ( التربية ) وطوالى رجع للشغلانه

البعرفها وبزبطها جد جد ( شغل السوق )

• اول حاجة كيفتنى زولك زبط ( القناة ) وقال ليهم القناة قناتى على وزن ( الفول ) الزمان القال ليهم فيهو ( الفول فولى ) اها قال طالما القناة حقتو ونادى ( التربية ) عندو فيها ( فرد ) بكسر الفاء ٣٠/  ودى زاتها لملمها ( تلملم ) من ايجار ( الدكاكين )

والبرندات … إستاد شنو دا الفيهو ( برندات ) دا ؟؟؟ ما قلتو ( جوهرة )

•نرجع لولدنا ( اضهب ) قبل كدا قلت ليك كلنا ( داعيين ) ليك ومرات بصراحة

كنا بنحسدك على حظك ( العجيب )

بس خلاص فقد كانت هنالك اكثر من عصفورة فى شجرتك والله يجازى الطير

( عصافيرك )

وضيع ( دولاراتك ) و ( يوراتك ) … كان

احسن ليك ال ٥ مليار وبالجنيه حقنا ( الحلو ) دا وقتها كان تبوسها ( قلبة وعدلة ) مش كان احسن ليك من ( جرجير ) مصيبتنا زولك التقول

جرجيرو  دا زارعو فى ( اصيصة )

• تعرف يا اطهر ( سوداكضابنا ) دا ٣ مليار ما عندو  ولو أداك التلاتة مليار بياكلك فى ٢ وبديك واحد بعد ( تحرد )

من اللعب شهرين …

• شيء اخير كدا اذا ( أبو الاطهار ) عاوز

٣٥٠ الف دولار ابقوا مارقين وبيعوا الجوهرة ( الحمراء ) ايوة حمراء مش حقت ( كردنة ) اها هو قال جوهرة وحمرا .. زى ما كلمتكم لملموا الوراكم

والقدامكم وبيعوا ( الجوهرة القديمة )

الكانت قبل جوهرة ( سوبرمان الطائر )

وتعالوا كابسو ( التش ) ولو عاوزين معاهو العجب ومحمد الرشيد خلوا

الخندقاوى والكوارتى.والبرير يعملوا

ليهم ( صندوق ) والختة الأولى تكون

الكوارتى … الراجل بموت فى التش طيب التش يساوى ( تواضعا ) ٢٠٠٠ اضهب اها ياخوى (ضرب ) قريشاتك

وابقى مارق ……

• اول مرة اسمع لى برئيس نادى ح يعلن افلاسه من ( فرد ) صفقة …

• نتلاقى باكر بحول الله ونكتب عن ( ورا

البسمات كتمت دموع ) ودى لانو فى واحدين عاملين الزوغة حقت كردنة ولا عاماهم … مرحبا  بكم فى عالم الفلس

عندكم ( كوارتى ) عندنا على ( وأسد ) كمان … باى باى كردنة  ….