لجنة التطبيع الهلالية .. (بص الرصيرص فات) !!
بالعربي الكسيح
محمد الطيب الأنين
لجنة التطبيع الهلالية .. (بص الرصيرص فات) !!
* برغم دورهما الواضح والمؤثر في الثورة إلا أن الأستاذ عمر الدقير والدكتور محمد ناجي الأصم رفضا المشاركة في الفترة الإنتقالية .
* بعد سقوط النظام كثير من الناس توقعوا أن يكون هذا الثنائي في (قلب الحكومة الإنتقالية) أو هكذا توقع الثوار .
* وبالذات الأصم الذي يعد من نجوم الثورة وأحد أهم الذين حركوا الشارع .
* ولكن لأسباب تتعلق بعدم مشاركة حكام الفترة الإنتقالية في الإنتخابات القادمة رفض الثنائي ومعهما عدد آخر المشاركة .
* أما بعض عشاق المناصب شاركوا في الفترة الإنتقالية تحت شعار (لحدي الإنتخابات يموتوا ناس .. ويمكن القيامة تقوم) .
* يقول ليك كده نشارك ولقدام الله كريم .
* وفي نوع بيقول (عصفورة في اليد ولا عشرة في الشجرة) .
* شعار (يمكن القيامة تقوم) مقرون بشعار (عصفورة في اليد ولا عشرة في الشجرة) هو فهم كثير من تنظيمات الهلال بعد نهاية ولاية الكاردينال.
* الكل داير يشارك في لجنة التطبيع.
* فترة الهلال الإنتقالية أربعة شهور وبعد هذه الشهور الأربعة تأتي الإنتخابات.
* ولذلك الصراع يجب أن يكون في الإنتخابات وليس في لجنة التطبيع .
* صحيح القانون هنا لا يمنع أعضاء لجنة التطبيع الهلالية من المشاركة في الإنتخابات.
* لا يمنع وليته كان يمنع .
* الصراع حول لجنة التطبيع الهدف منه بالنسبة لكل تنظيم هو (العمل بطريقة مشروعة أو غير مشروعة للفوز بالانتخابات القادمة) .
* اي تنظيم داير يجي يحكم في لجنة التطبيع عشان يشتغل الإنتخابات ويطبخها خلال فترة الأربعة أشهر.
* ده سبب الصراع الأول والأخير.
* ولذلك من الأفضل أن نمنع أعضاء لجنة التطبيع من المشاركة في الإنتخابات اسوة بما حدث بعد الثورة في الحكومة الإنتقالية.
* في الحالة دي يمكن أن نقفل باب التزوير والحركات البتحصل (تحت تحت) في كل إنتخابات .
* بالأمس كان الكاردينال عندو مواعيد مع شداد بخصوص لجنة التطبيع (وما عارفو مشى ولا ما مشى) .
* أمس البرير وكوارتي وعدد من الاهلة ذهبوا لشداد وبرضو بسبب لجنة التطبيع .
* يبقى الموضوع ده فيهو مصلحة .
* المصلحة تتمثل في (طبخ الإنتخابات) .
* ومعروف طبعا الزول الحاكم لما ينزل إنتخابات هو الأقرب للفوز (لأنو بيكون طابخ القصة) .
* ناس البشير كانوا بيعملوا كده.
* يقول ليك إنتخابات حرة ونزيه .
* وهي لا (حرة) ولا (الجزيرة مباشر) .
* أعتقد أن الصراع حول لجنة التطبيع ليس من المصلحة .
* هي كلها أربعة شهور .. الصراع لشنو ؟
* الداير يتصارع يجهز للانتخابات.
* على بروف شداد أن يعلن لجنة التطبيع عشان نقفل الباب ده .
* كل ما تأخر شداد في الإعلان عن اللجنة بيفتح الباب أوسع للصراعات والشد والجذب .
* والزيارات ح تكتر.
* كل يوم والتاني ح تجيك مجموعة .
* ونحن بصراحة لا فاضيين ولا ناقصين .
* وظرف الفريق ما بيستحمل (اللولوة دي كلها) .
* المماطلة ما حبابا.
* هو شداد مصر الدوري يبدأ السبت .
* يعني داير الدوري يبدأ والهلال بدون مجلس ولا كيف ؟
* أعلن اللجنة وخلي أي زول يمشي يشوف شغلتو.
* صوت العقل مهم في المرحلة دي ، ولابد من تقديم مصلحة الهلال على جميع المصالح .
* بكرة لو أعلنوا لجنة تطبيع ح يشنوا عليها حرب .
* وندخل في معارضة وحفر لحدي ما نلقى (بص الرصيرص فات) .
* وده ما من المصلحة .
* نقبل بأي لجنة تطبيع شرطا أن لا تشارك في الإنتخابات القادمة .
* تسير النشاط وترتب للانتخابات والله يجزيهم خير بعد داك .
* ما داير صراع في الهلال في الوقت الحالي .
* و..و..
* والله في
