مشروع مدينة السودان الرياضية

0
1378

في_السلك
بابكر سلك

> أن تصبح الأحلام واقعاً
> أن تصبح الأمنيات واقعاً
> أن تشرق فينا مدينة السودان الرياضية
> يا إلهي!!
> أقرص نفسي عشان أصدق !
> تسعة وعشرين سنة نمني النفس بالمدينة الرياضية
> فرحنا بها حينما أعلنها الشهيد الزبير بمطار الخرطوم وهو في استقبال المريخ العائد بكأس مانديلا
> اعتلى الزبير محمد صالح ناصية الخطاب وقال:
> فوق فوق مريخنا فوق
> فوق فوق سوداننا فوق
> وقال بالحرف الواحد بمناسبة فوز المريخ بكأس مانديلا فإن هديتنا للرياضيين هي المدينة الرياضية
> مساحات الفرحة جوانا كانت شاسعة
> برغم أن مساحة أرض مدينتنا الرياضية كانت تضمر وتنمو مكانها سيقان الأسمنت الهمجية
> وبرغم ذلك لم يضمر الأمل بحنايانا
> وبدأ المشروع
> ودخلت كراكة تساوي الأرض ومرقت
> ووقفت سيخة غطست في الأرض وغرزت
> ودخلت نملة وشالت حبة ومرقت
> وتوقف العمل ولكن الأحلام صاحية
> وتاني
> دخلت مكنة تعمل بي جد ومرقت
> حتى الأصوات الكانت عالية سكتت
> لأنو تاني دخلت نملة وشالت حبة ومرقت
> والإعجاز
> إنو في زمن النملة البتدخل مخزن السكر وتشيل أربعمية وخمسين شوال سكر
> فشلت كل نملات الدنيا في الدخول للمدينة الرياضية ويشيلن حبة ويمرقن
> لأنو القادة المرة دي صعبين زيادة وشايلين محلول صابون البدرة البحرق فشفاش كل النمل بدون فرز
> حتى النمل أبو دقن او ما يسمى بالنمل أب ريش
> ودارت عجلة العمل
> والآن صدر خطاب معنون باسم الوطن مروس برئاسة الجمهورية مزين بمدينة السودان الرياضية ممهوراً باللجنة الهندسية
> القرار فيه لجنة لاستلام العمل من الجهات التي تعمل بالمدينة الرياضية
> ويبدأ الاستلام في الأول من مايو السنة دي
> ولما يبدأ الاستلام أكيد بكون عشان في عمل مافي استلاب
> شكراً للوطن الجمهورية
> شكراً لرئاسة الجمهورية
> مرحباً مدينتنا الرياضية
> وشكراً لكل من ساهم في الإعجاز ولو كان دافر درداقة يتقطر عليها عرق شرف المشاركة في هذا الصرح التاريخي
> شكراً جزيلاً الشهيد الزبير
> الفكرة بقت واقع
> شكراً المريخ ملهم الزبير بفكرة المدينة الرياضية
> آها
> نرجع للنظام الأساسي
> القصة جابت حقها
> كل المعارضين الناقين بدون ما يشعروا تلقاهم بتناقشوا في النظام الأساسي
> المادة كذا قالت
> وما ليها حق
> المادة كذا فعلت وبالغت
> المادة كذا تركت ودي حقاره منها
> وواحدين قالوا في مواد مقصود بيها ناس معينين
> زي لايجوز العمل أكتر من تلاتة دورات
> قالوا دي مقصود بيها الوالي
> ونسوا إنو القصة لا تطبق بأثر رجعي
> يستطيع الوالي أن يحكم المريخ وفقاً للنظام الأساسي الجديد (من ناحية مجاز مافي شك ) اطناشر سنة لي قدام
> واحدين قالوا قصة الخمسة وسبعين سنة مقصود بيها محمد الياس
> طيب محمد الياس موش كان عضو مجلس ستة وعشرين سنه ?
> يبقى بي مادة الوالي الفوق ديك انتهى
> لزومو شنو يسووا ليهو مادة براهو
> الأولانية عصفورين بي حجر
> وواحدين قالوا شرط نيل العضوية قبل تلاتة سنوات مقصود بيهو محمد الشيخ
> بالله هو محمد الشيخ لي أسي ما اتشرف بعضوية المريخ ?
> أسي ده داير ليهو مادة عليكم الله !!!!!
> المهم القصة جابت حقها
> ونوصي بزيادة الموضوعية والتبحر في يم النصوص بي رووووقة
> رأيكم يهمنا
> أيها الناس
> من الله خلق المريخ اتعمل كم نظام أساسي ?
> طيب اتعملت كم ورشة ?
> أليست هذه هي الأولى في تاريخ المريخ ???
> وبعد ده ماعاجبكم الصيام في رجب ?
> النظام الأساسي 2008 كنت أحد خدامه
> علي النعمة الناس شافتوا جوه الجمعية يوم الإجازة التي لم تأخذ أكتر من ربع ساعة
> تقول لي القاعدة العريضة والخبراء!!!
> ساعدونا بالموضوعية
> أيها الناس
> إن تنصروا الله ينصركم
> آها
> نجي لي شمارات والي الخرتوم
> والينا
> حكوا ليك بالحال الفينا ???

سلك كهربا
ننساك كيف والكلب قال بالفي بالمافي أهو عايشين
والي لقاء
سلك

 

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوا التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

المشاركة

أكتب رد

أدخل تعليقك من فضلك!
أدخل إسمك هنا من فضلك