هل قيم المريخ الفاضلة فيها قيم فاضلة

0
869

في السلك

بابكر سلك

< الاستاذ سيف الدين حسن بابكر القطب المريخي الكبير والاداري السابق بالمريخ والقيادي البارز بالاتحادات هو انسان غني عن التعريف
< تحدث سيف الدين في مقطع صوتي والعبره تخنقه الما من تبخيس اصحاب الغرض لمجهودات رجال حووا المريخ يوم استقبال المصري المصري
< يتهكم الناس علي درداقة ظهرت في الصورة
< ليغطوا بها مجهودات عظيمة قام بها زيكو وهيثم وخالد وشمس الدين
< حسن استقبال وكرم ضيافة من جيوبهم باسم المريخ لدرجة ادهشت الضيوف
< وابتدر سيف الدين كلامه عن صفات المريخ منذ النشأة الامدرمانية بالمسالمة والاخلاق الامدرمانية بالطبع التي اسماها القيم والاخلاق الفاضلة
< والتي امدت بها امدر مريخها بعد ان استمدتها من رموزها ومن الاخلاق الكريمة للمجتمع السوداني الكبير الزاحف من الاقاليم نحو امدر يحمل ادبه وصفاته الكريمه
< وبالطبع جرف السيل بعض العويش الخلوي
< بعد الشفتو من اصحاب الغرض يا سيف الدين
< هل اخلاق المريخ الفاضلة فضل منها شئ ام تلاشت وسط الجوغة الهمجية التي سيطرت علي المريخ ??
< السودان
< بلد المليون ميل مقطع
< اعظم ثرواته تتمثل في اخلاقيات اهله
< فان هم ذهبت اخلاقهم ذهبوا
< لذا نجد ان الارض قد خلت من الاخلاق الفاضلة لانها ذهبت وفضلوا لينا هم بس
< تحية لسيف النقي الشجاع
< الذي قال الاختلاف مع الناس لايعني تبخيس حاجاتهم
< وتحية لشمس وخالد وهيثم وزيكو
< علي تطبيقهم لنظرية والجمل ماش ببراعة يحسدهم عليها الذين ينبحون دون سبب منطقي
< المهم
< البعض يقول ان استقالة قريش تكتيك للهروب من اوامر قبض تم نفض الغبار العالق عليها
< تلك الاوامر الخاصة بمديونيات سابقة لم تسدد
< هفت للدائنين في الوكت ده بالذات
< او قل الدائن لما يفلس بفتش اوامر قبضو القديمة
< لكني استبعد ذلك
< قروب مريخاب صفوه
< فالرئيس موجود
< ومعترف برئاسته للنادي بقرار محكمة الجم قرار المفوضية حجرا
< يبقي الدائن العندو امر قبض يمشي يعلم تسليم عند ادارة سجن كوبر
< وينتظر
< هذا مع افتراض حسن نية الدائنين
< قريش لا خطر عليه
< ومع افتراض سوء نية الدائنين
< تقول ليهم ديونكم حاتطول وتاخد مدة
< اطول من الفترة الاخدتها قبل كده
< الزموا الصبر
< وما يفاجئكم القبر
< المهم
< كورة الاهلة مع المصري تحير
< التشكيلة دي الوضعها منو يا روشا ???
< عليييك الله
< الوضعها منو ??
< غايتو ما فطومة اختي ولا الكوتش
< لانو فطومة اختي لو ختت حنه بتختها اسمح من التشكيلة دي
< والكوتش تشكيلتو يوم الوطني شفناها
< اعترف
< الوضع التشكيلة دي منو يا روشا ??
< ولكن افتقدنا كردنة
< افتقدنا الكسكته القاعده براها في البلكونة ماليه الحته
< لو حضرت كان وقعت من البلكونة
< ايها الناس
< ان تنصروا الله ينصركم
< اها
< نجي لي شمارات والي الخرتوم
< والينا
< بعد الوسخ الفينا
< قروب مريخاب صفوه
< في شارع العرضة الموية الوسخه طافحه فينا
< سكتنا بكينا واشتكينا
< ومافي جديد يا والينا
سلك كهربا
ننساك كيف والكلب قال لما تنبثق اللجنة تكون الكوليرا كملت ناس العرضة
والي لقاء
سلك

 

 

 

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

 

 

 

المشاركة

أكتب رد

أدخل تعليقك من فضلك!
أدخل إسمك هنا من فضلك